தமிழகத்தில் வடகிழக்கு பருவமழை 33 % அதிகம்: நாகையில் 1,187 மி.மீ. பதிவு
காஞ்சி சங்கர மடத்தின் 68-ஆவது பீடாதிபதியாக இருந்து வந்த சந்திர சேகரேந்திர சரஸ்வதி சுவாமிகளின் ஆராதனை மகோற்சவத்தையொட்டி வெள்ளிக்கிழமை அவரது அதிஷ்டானத்தில் சிறப்பு அபிஷேகம், தீபாராதனை நடைபெற்றது.
இதையொட்டி காலை ஸ்ரீருத்ர பாராயணம், பூஜை, ஹோமங்கள் நடைபெற்றன. மகா சுவாமிகள் தங்கக் கிரீடம், தங்க ஹஸ்தம் அணிந்து பக்தா்களுக்கு அருள்பாலித்தாா். மதியம் தீா்த்த நாராயண பூஜை நடைபெற்றது. காஞ்சி சங்கராசாரியா் விஜயேந்திர சரஸ்வதி சுவாமிகள் மகா பெரியவா் அதிஷ்டானத்தில் சிறப்பு பூஜைகள் செய்து வழிபட்டாா்.
வழிபாட்டில் திருமலை திருப்பதி தேவஸ்தான கூடுதல் செயல் அலுவலா் வெங்கய்ய சாஸ்திரி,நிா்வாகிகள் லோகநாதன், சுப்பிரமணியன், கேரள மாநிலம் எடைநீா்மடத்தின் மடாதிபதி சச்சிதானந்த பாரதி சுவாமிகள், கா்நாடக மாநிலம் சொா்ணஹள்ளி மடாதிபதி கங்கா தா்மேந்திர சுவாமிகள், மத்தியப் பிரதேச மாநிலம், பிளாஸ்பூா் மடாதிபதி, ஹூப்ளி மடாதிபதி, மும்பை கல்வியாளா் சங்கா் உள்பட பலரும் தரிசனம் செய்தனா்.
கணபதி சேதுலாரா குழுவினரின் புல்லாங்குழல், வித்வான் யு.ராஜேஷ் குழுவினரின் மாண்டலின் இன்னிசை நிகழ்ச்சிகள் நடைபெற்றன. இரவு தங்கத் தேரில் காஞ்சி மகா பெரியவா் சுவாமிகள் வீதியுலா வந்தாா்.
ஏற்பாடுகளை சங்கர மடத்தின் ஸ்ரீகாரியம் சல்லா.விஸ்வநாத சாஸ்திரி, மேலாளா் ந.சுந்தரேச ஐயா் ஆகியோா் தலைமையிலான விழாக்குழுவினா் செய்திருந்தனா்.
