ஸ்ரீபெரும்புதூரில் மாடியில் இருந்து தவறி விழுந்த இளம் பெண் மருத்துவமனையில் அனுமதிக்கப்பட்டு சிகிச்சை பலன்இன்றி உயிரிழந்தாா்.
நாகப்பட்டினம் மாவட்டம், மரைக்கான்சாவடி பகுதியைச் சோ்ந்தவா் செல்வம். இவரது மகள் நாகலட்சுமி (24). இவா் ஸ்ரீபெரும்புதூா் பகுதியில் தங்கி சுங்குவாா்சத்திரம் பகுதியில் இயங்கி வரும் கைப்பேசி உதிரிபாகங்கள் உற்பத்தி செய்யும் தனியாா் தொழிற்சாலையில் கடந்த 2 ஆண்டுகளாக பணியாற்றி வந்துள்ளாா்.
இந்த நிலையில், வெள்ளிக்கிழமை காலை நாகலட்சுமி தான் வசித்து வந்த வீட்டின் முதல் மாடியில், கைப்பிடி சுவற்றில் சாய்ந்த நிலையில் நின்று கொண்டிருந்தராம். அப்போது எதிா்பாராத விதமாக திடீரென தவறி கீழே விழுந்துள்ளாா். இதில் தலை, முதுகு பகுதியில் பலத்த காயம் அடைந்த நாகலட்சுமியை அருகில் இருந்தவா்கள் மீட்டு, ஸ்ரீபெரும்புதூா் அரசு மருத்துவமனையில் சோ்த்தனா். அங்கு அவா் சிகிச்சை பலனின்றி உயிரிழந்தாா். இது குறித்து ஸ்ரீபெரும்புதூா் போலீஸாா் வழக்குப் பதிந்து விசாரித்து வருகின்றனா்.
