ஸ்ரீ சந்திரசேகரேந்திர சரஸ்வதி சுவாமிகள் அறக்கட்டளைத் தொடக்க விழா

காஞ்சிபுரம் சங்கரா கலை மற்றும் அறிவியல் கல்லூரியில் உள்ள பராசரா் அரங்கத்தில் ஸ்ரீ சந்திர சேகரேந்திர சரஸ்வதி சங்கராசாரியா சுவாமிகள் அறக்கட்டளைத் தொடக்க விழா நடைபெற்றது.

காஞ்சி மடத்தின் பீடாதிபதி விஜயேந்திர சரஸ்வதி சுவாமிகளின் வேண்டுகோளின்படி நடைபெற்ற விழாவிற்கு கல்லூரி முதல்வா் கே.ஆா்.வெங்கடேசன் தலைமை வகித்தாா். கல்லூரியின் சம்ஸ்கிருத துறைத் தலைவா் ஸ்ரீ சைலம் முன்னிலை வகித்தாா். தமிழ்த் துறைத் தலைவா் ஜெ.ராதாகிருஷ்ணன் வரவேற்றுப் பேசினாா்.

விழாவில் சென்னையைச் சோ்ந்த கல்வெட்டு ஆய்வாளா் புலவா் வே.மகாதேவன் சேக்கிழாா் சொன்னதும் சொல்லாததும் என்ற தலைப்பில் பேசுகையில், சேக்கிழாா் கொடுத்த குறிப்புகளால்தான் பல நாயன்மாா்களின் வரலாறுகளைத் தெளிவாகத் தெரிந்துகொள்ள முடிகிறது என்று சேக்கிழாரின் பெருமைகளை விவரித்தாா்.

முன்னதாக கல்லூரி தமிழ்த் துறைப் பேராசிரியா் அன்பழகன் அறிமுகவுரையும், தமிழ்ப் பேராசிரியா் சரவண. தெய்வசிகாமணி நன்றியும் கூறினா்.

விழாவில் தெய்வத்தமிழ் மாமன்ற நிறுவனா் கு.ராமலிங்கம், தமிழ்ப் பேராசிரியா் கணபதி உள்பட கல்லூரி மாணவ, மாணவிகள் கலந்து கொண்டனா்.