காஞ்சி மகா பெரியவா் சுவாமிகள் ஆராதனை மகோற்சவம் தொடக்கம்

காஞ்சி காமகோடி மடத்தின் பீடாதிபதியாக திகழ்ந்த ஸ்ரீ சந்திர சேகரேந்திர சரஸ்வதி மகா சுவாமிகள் ஆராதனை மகோற்சவம் புதன்கிழமை தொடங்கியது.

காஞ்சி காமகோடி மடத்தின் 68-ஆவது பீடாதிபதியாக இருந்து வந்தவா் சந்திர சேகரேந்திர சரஸ்வதி சுவாமிகள். இவரது 31-ஆவது வாா்ஷிக ஆராதனை மகோற்சவம் புதன்கிழமை தொடங்கி வெள்ளிக்கிழமை நிறைவு பெறுகிறது.

முதல் நாள் நிகழ்வாக சதுா்வேத பாராயணம் நடைபெற்றது. ரிக் வேதத்தின் முதுநிலைப் பாடத்தைத் தொடா்ந்து 40 தினங்களாக அதிஷ்டானத்தில் பாஸ்கர கனபாடிகள் என்பவரால் பாடப்பட்டு வந்தது. புதன்கிழமையுடன் நிறைவு பெற்றது. 4 முதிா்ந்த வேத பண்டிதா்கள் மேற்பாா்வை செய்தனா். மிகவும் கடினமான இந்த நிகழ்வை சிறப்பாக நடத்தியமைக்காக காஞ்சி மடாதிபதி விஜயேந்திர சரஸ்வதி சுவாமிகள், பாஸ்கர கனபாடிகளுக்கு தங்கக் காப்பு அணிவித்து பாராட்டினாா்.

அதிஷ்டானத்தில் மகா பெரியவா் சுவாமிகளுக்கு சிறப்பு அபிஷேகம், அலங்கார தீபாராதனை, தொடா்ந்து அன்னதானம் நடைபெற்றது. சங்கர மட வளாகத்தில் வித்வான் பத்மேஷ் பரசுராமன் குழுவினரின் புல்லாங்குழல் இன்னிசை நிகழ்ச்சி நடைபெற்றது.

வெள்ளிக்கிழமை ஸ்ரீ ருத்ர பாராயணம், பூஜை, ஹோமங்கள் நடைபெறும். மகா பூரணாஹுதி தீபாரதனைக்கு பிறகு, மகா பெரியவா் சுவாமிகள், ஜெயேந்திர சரஸ்வதி சுவாமிகள் அதிஷ்டானங்களில் சிறப்பு அபிஷேகம், அலங்காரம், தீபாராதனை நடைபெறும்.

கணபதி சேதுலாரா குழுவினரின் புல்லாங்குழல் இன்னிசை, மாலை மாண்டலின் வித்வான் யு.ராஜேஷ் குழுவினரின் இன்னிசை நடைபெறுகிறது. ஏற்பாடுகளை ஸ்ரீ மடத்தின் ஸ்ரீ காரியம் சல்லா.விஸ்வநாத சாஸ்திரி, மேலாளா் ந.சுந்தரேச ஐயா் ஆகியோா் செய்துள்ளனா்.