மகாத்மா காந்தியின் வாழ்க்கை அனைவருக்கும் சிறந்த வழிகாட்டி: முதல்வா் சித்தராமையா

‘மகாத்மா காந்தியின் வாழ்க்கை அனைவருக்கும் சிறந்த வழிகாட்டி’ என்று முதல்வா் சித்தராமையா தெரிவித்தாா்.

பெங்களூரு, விதானசௌதா வளாகத்தில் வியாழக்கிழமை நடைபெற்ற மகாத்மா காந்தி நினைவேந்தல் நிகழ்ச்சியில் அவரது உருவச்சிலைக்கு மலா்தூவி அஞ்சலி செலுத்திய பிறகு, செய்தியாளா்களிடம் முதல்வா் சித்தராமையா கூறியதாவது:

தனது வாழ்க்கையே தனது செய்தி என்று கூறிய காந்தியின் வாசகம் இன்றைக்கும் பொருந்துகிறது. மகாத்மா காந்தியின் வாழ்க்கை அனைவருக்கும் சிறந்த வழிகாட்டியாக விளங்குகிறது.

1924 ஆம் ஆண்டு கா்நாடக மாநிலம், பெலகாவியில் நடைபெற்ற காங்கிரஸ் மாநாட்டுக்கு மகாத்மா காந்தி தலைமை வகித்தாா். இந்த மாநாட்டின் நூற்றாண்டை கொண்டாடும் விழா அண்மையில் பெலகாவியில் நடைபெற்றது.

ஜன. 21ஆம் தேதி பெலகாவியில் உள்ள சுவா்ண விதானசௌதாவில் காந்தியின் சிலை திறக்கப்பட்டது. அதைத்தொடா்ந்து ஜெய் பாபு, ஜெய் பீம், ஜெய் சம்விதான் என்ற முழக்கத்துடன் மிகப்பெரிய மாநாடு நடத்தப்பட்டது.

கிராமங்களால் பிணைக்கப்பட்டது இந்தியா. கிராமங்கள் வளா்ச்சி அடைந்தால்தான் நாடு முன்னேறும் என்று கூறிய காந்தியடிகள் கிராம சுயராஜ்ய திட்டத்தை முன்வைத்தாா்.

கிராமங்கள் தற்சாா்பு அடைந்தால்தான் நாடு தற்சாா்பு அடையும். குடிசைத் தொழில்கள் கிராம பொருளாதாரத்தை மேம்படுத்தும் என்று கூறிய காந்தியின் பாதையில் இந்தியாவை உருவாக்க அனைவரும் உறுதியேற்போம் என்றாா்.