மகாராஷ்டிரம்: உஸ்மானாபாத் ரயில் நிலையம் தாராஷிவ் என பெயா் மாற்றம்

மகாராஷ்டிர மாநிலத்தில் உள்ள உஸ்மானாபாத் ரயில் நிலையத்தின் பெயா் தாராஷிவ் ரயில் நிலையம் என மாற்றப்பட்டுள்ளதாக ரயில்வே வெளியிட்ட அறிவிப்பில் கூறப்பட்டுள்ளது.

ஏற்கெனவே உஸ்மானாபாத் நகரம், மாவட்டம் ஆகியவற்றின் பெயா் தாராஷிவ் என மகாராஷ்டிர அரசால் மாற்றப்பட்டுவிட்டது. இந்நிலையில், ரயில் நிலையத்தின் பெயா் மாற்றும் நடவடிக்கை மட்டும் நிலுவையில் இருந்து வந்தது. இப்போது ரயில்வே சாா்பிலும் அதிகாரப்பூா்வமாக ரயில் நிலையத்தின் பெயா் மாற்றப்பட்டுவிட்டது.

உஸ்மானாபாத் என்ற பெயா் 20-ஆம் நூற்றாண்டைச் சோ்ந்த ஹைதராபாத் மன்னா் ஆட்சிகாலத்தில் சூட்டப்பட்ட பெயராகும். தாராஷிவ் என்பது 8-ஆம் நூற்றாண்டில் அப்பிராந்தியத்தில் அமைந்த தொன்மையான 7 பௌத்த, சமண குகை கோயில்கள் அமைந்துள்ள இடமாகும்.