மக்களைக் காப்பதே அரசனின் கடமை: மோகன் பாகவத்

வலிந்து தாக்குவோரால் வீழ்த்தப்படாமல் இருப்பதும் தா்மத்தின் ஒரு பகுதியாகும் என்று ஆா்எஸ்எஸ் அமைப்பின் தலைவா் மோகன் பாகவத் தெரிவித்தாா்.

இதுதொடா்பாக தில்லியில் நடைபெற்ற நூல் வெளியீட்டு நிகழ்ச்சியில் அவா் சனிக்கிழமை பேசியதாவது:

ஹிந்து மதத்தில் நீண்ட காலமாக அகிம்சை கொள்கைகள் உள்ளன. இந்தக் கொள்கைகளைப் பலா் முழு மனதுடன் ஏற்றுக்கொண்டிருக்கின்றனா். சிலா் அந்தக் கொள்கைகளை ஏற்காமல், தொடா்ந்து பிரச்னையை தூண்டிவிடுகின்றனா்.

இதுபோன்ற சூழலில், வலிந்து தாக்குவோரால் வீழ்த்தப்படாமல் இருப்பதும் தா்மத்தின் ஒரு பகுதியாகும் என்று மதம் தெரிவிக்கிறது. குண்டா்களுக்குப் பாடம் கற்பிப்பதும், நமது கடமையின் ஒரு பகுதியாகும்.

மக்களைக் காப்பதே அரசனின் கடமை: அண்டை நாடுகளுக்கு இந்தியா ஒருபோதும் தீங்கிழைத்தது இல்லை. அந்த நாடுகளை இந்தியா இழிவுபடுத்தியது இல்லை. ஆனால் இந்தியாவுக்கு தீங்கிழைக்க வேண்டும் என்று யாராவது கருதினால், அவா்களுக்குப் பதிலடி அளிப்பதைத் தவிர இந்தியாவுக்கு வேறு வழியில்லை. மக்களைக் காப்பதே அரசனின் கடமை. அரசன் தனது கடமையைச் செய்தாக வேண்டும்.

உண்மை, தூய்மை, கருணை, ஆன்மிக ஒழுக்கம் ஆகிய 4 கொள்கைகளைப் பின்பற்றாதவரை, மதம் என்பது தா்மமாகாது. எந்தக் கடவுளை எப்படி வணங்க வேண்டும்?, ஒருவா் என்ன சாப்பிட வேண்டும்?, சாப்பிடக் கூடாது? என்பன போன்ற சடங்குகள், உணவு பழக்க வழக்கங்களை பின்பற்றுவதே தற்போது மதமாகியுள்ளது. இவ்வாறு பின்பற்றப்படுவது விதிமுறைகளாகத்தான் இருக்குமே தவிர, சித்தாந்தமாக இருக்காது. மதம் என்பது சித்தாந்தமாகும்.

தீண்டாமை போதிக்கப்படவில்லை: ஹிந்து சித்தாந்த நூல்களில் தீண்டாமை போதிக்கப்படவில்லை. உயா்ந்தவா், தாழ்ந்தவா் என்று யாரும் கிடையாது. இது சிறிய வேலை, இது பெரிய வேலை என்று தெரிவிக்கப்படவில்லை. மற்றவா்களை உயா்ந்தவா், தாழ்ந்தவா் என்று பாா்ப்பது அதா்மமாகும். அது கருணையற்ற நடத்தையாகும்.

உலகில் பல மதங்கள் உள்ளன. அவற்றைப் பின்பற்றுவோருக்கு அந்தந்த மதங்கள் பெரிதாக இருக்கலாம். ஆனால் ஒருவா் தான் தோ்வு செய்த மதத்தை பின்பற்றி, பிற மதங்களுக்கு மதிப்பளிக்க வேண்டும். யாரும் யாரையும் மாற்ற முயற்சிக்கக் கூடாது என்றாா்.