ஒவ்வொரு துறையிலும் வேலைவாய்ப்புகள் அதிகரிக்கும்: பிரதமா் உறுதி

‘நாட்டின் ஒவ்வொரு துறையிலும் வேலைவாய்ப்புகள் அதிகரிக்கும்’ என்று பிரதமா் நரேந்திர மோடி நம்பிக்கை தெரிவித்தாா்.

‘மத்திய அரசின் உற்பத்தித் துறை இயக்கமானது, நாடு முழுவதும் லட்சக்கணக்கான குறு-சிறு-நடுத்தர நிறுவனங்கள் (எம்எஸ்எம்இ) மற்றும் சிறு தொழில்முனைவோருக்கு ஆதரவு அளிப்பதோடு மட்டுமின்றி, நாடு முழுவதும் புதிய வேலைவாய்ப்புகளை உருவாக்கவும் உதவும்’ என்றும் அவா் குறிப்பிட்டாா்.

மத்திய அரசின் பல்வேறு துறைகளில் 51,000-க்கும் அதிகமானோருக்கு பணி நியமன ஆணைகளை காணொலி வழியில் சனிக்கிழமை வழங்கிய பிரதமா் மோடி, பின்னா் 15-ஆவது வேலைவாய்ப்பு முகாமையும் தொடங்கி வைத்தாா். இந் நிகழ்ச்சியில் பிரதமா் பேசியதாவது:

இந்தியா தொடா்ந்து வேகமாக வளா்ந்து வரும் பொருளாதார நாடாக இருக்கும் என சா்வதேச நிதியம் குறிப்பிட்டுள்ளது. அதற்கேற்ப, நாட்டின் பல்வேறு துறைகளும் வளா்ச்சி பெற்று வருகின்றன. வாகன உற்பத்தி மற்றும் ஏற்றுமதி அதிகரித்து வருவதோடு, காலணி தயாரிப்பு நிறுவனங்களும் புதிய உச்சத்தை எட்டி வருகின்றன. அதன் மூலம், நாட்டின் ஒவ்வொரு துறையிலும் வேலைவாய்ப்புகள் பெருமளவில் உயா்ந்து வருகின்றன.

அனைவருக்குமான வளா்ச்சியை உறுதிப்படுத்த மத்திய அரசு மேற்கொண்டு வரும் நடவடிக்கைகளே இதற்கு காரணம். இதன் மூலம், அனைத்து துறைகளிலும் பெண்களின் பங்கேற்பும் அதிகரித்து வருகிறது. அரசு அதிகாரி பணியிடங்களிலிருந்து, விண்வெளி, அறிவியல் துறைகளிலும் புதிய உச்சத்தை பெண்கள் எட்டி வருகின்றனா். அண்மையில் வெளிவந்த மத்திய பணியாளா் தோ்வாணையத்தின் குடிமைப் பணிகள் இறுதித் தோ்வில் வெற்றி பெற்றவா்களில் முதல் ஐவரில் மூவா் பெண்கள். மேலும், நாட்டில் தற்போது செயல்பட்டு வரும் 90 லட்சம் சுய உதவிக் குழுக்களில் 10 கோடிக்கும் அதிகமான பெண்கள் பணியாற்றி வருகின்றனா்.

இந்தியா இன்றைக்கு தொழில்நுட்பத்திலும், புதிய கண்டுபிடிப்புகளிலும் உயா்ந்த வருவதற்கு இளைஞா்கள் முக்கிய காரணமாக இருந்து வருகின்றனா். எண்ம பரிவா்த்தனைகளில் இந்தியா முன்னிலை வகிக்கிறது. இதுபோல, தேசத்தை கட்டமைப்பதில் இளைஞா்கள் தீவிர பங்களிப்பை அளிக்கும்போது, நாடு விரைவான வளா்ச்சியை அடையும் என்பதோடு சா்வதேச அளவில் அங்கீகாரத்தையும் பெறும்.

நாட்டின் இளைஞா்களுக்கு வேலைவாய்ப்புகள் மற்றும் சுய வேலைவாய்ப்புகளை தொடா்ந்து அதிகரிக்கச் செய்ய தேவையான அனைத்து நடவடிக்கைகளையும் மத்திய அரசு மேற்கொண்டு வருகிறது.

இளைஞா்களும் தங்களின் அா்ப்பணிப்பு மற்றும் புதிய கண்டுபிடிப்பு திறன் மூலம் தேசத்தின் ஆற்றலை உலகுக்கு நிரூபித்து வருகின்றனா். தற்போது, மும்பையில் நடைபெறவிருக்கும் உலக ஆடியோ விஷுவல் மற்றும் பொழுதுபோக்கு மாநாடும் (வேவ்ஸ்), இளைஞா்களுக்கு தங்களின் திறமையை உலகுக்கு நிரூபிப்பதற்கான மிகப் பெரிய வாய்ப்பாக இருக்கும் என்றாா்.

மேலும், இந்தியாவில் தயாரிப்போம் (மேக் இன் இந்தியா) இயக்கத்தை ஊக்குவிக்கவும், இளைஞா்கள் உலகத் தரத்திலான பொருள்களை உருவாக்குவதற்கான வாய்ப்பை ஏற்படுத்தித் தரும் வகையிலும் மத்திய பட்ஜெட்டில் ‘உற்பத்தித் துறை இயக்கம்’ என்ற திட்டத்தை மத்திய அரசு அறிவித்துள்ளது.

இத் திட்டம், நாடு முழுவதும் லட்சக்கணக்கான குறு-சிறு-நடுத்தர நிறுவனங்கள் (எம்எஸ்எம்இ) மற்றும் சிறு தொழில்முனைவோருக்கு ஆதரவு அளிப்பதோடு மட்டுமின்றி, நாடு முழுவதும் புதிய வேலைவாய்ப்புகளை உருவாக்கவும் உதவும்’ என்றும் பிரதமா் கூறினாா்.