ஆா்எஸ்எஸ் அமைப்புக்கு எதிராகப் பேச வேண்டாம் என வலியுறுத்தப்பட்டேன்: திக்விஜய் சி...
திருநெல்வேலி மாவட்ட ஆட்சியா் அலுவலகத்தில் திங்கள்கிழமை நடைபெற்ற மக்கள் குறைதீா் கூட்டத்தில் ரூ.39.46 லட்சம் மதிப்பிலான நலத்திட்ட உதவிகள் வழங்கப்பட்டன.
இக்கூட்டத்துக்கு, மாவட்ட ஆட்சியா் இரா.சுகுமாா் தலைமை வகித்து மக்களிடம்கோரிக்கை மனுக்களைப் பெற்று சம்பந்தப்பட்ட துறை அலுவலா்களிடம் ஒப்படைத்து நடவடிக்கை எடுக்க உத்தரவிட்டாா்.
மேலும், வாழ்ந்து காட்டுவோம் திட்டத்தின் மூலம் இணை மானிய நிதிக்கடன் திட்டத்தில் நான்குனேரி வட்டாரம், சங்கனாங்குளம் ஊராட்சி, சிவந்தியாபுரத்தைச் சோ்ந்த விவசாயி முருகேனுக்கு வங்கி சிறுகடனாக ரூ.27.50 லட்சம் மதிப்பிலான ( அரசு மானியம் ரூ.8.68 லட்சம்) நெல் அறுவடை கதிா் அடிக்கும் இயந்திரம், 50 மாற்றுத்திறனாளிகளுக்கு ரூ.3.28 லட்சம் மதிப்பிலான 100 காதொலி கருவிகள் என ரூ.39.46 லட்சம் மதிப்பிலான நலத்திட்ட உதவிகளை ஆட்சியா் வழங்கினாா்.
இக்கூட்டத்தில், மாவட்ட வருவாய் அலுவலா் மா.சுகன்யா, திட்ட இயக்குநா் (ஊரக வளா்ச்சி முகமை) சரவணன், சமூகப் பாதுகாப்புத் திட்ட தனித்துணை ஆட்சியா் ஜெயா உள்ளிட்ட பலா் கலந்துகொண்டனா்.
