மணப்பாறையில் மாணவியிடம் பாலியல் சீண்டல்: தனியாா் பள்ளி தாளாளரின் கணவருக்கு பிப். 21 வரை நீதிமன்றக் காவல்

மணப்பாறையில் மாணவியிடம் பாலியல் சீண்டலில் ஈடுபட்ட வழக்கில் கைது செய்யப்பட்ட 5 பேரில், தனியாா் பள்ளி தாளாளரின் கணவரை பிப். 21-ஆம் தேதி வரை நீதிமன்றக் காவலில் அடைக்கவும், மற்ற நால்வரை நிபந்தனை ஜாமீனில் விடுவிக்கவும் நீதிபதி வெள்ளிக்கிழமை உத்தரவிட்டாா்.

திருச்சி மாவட்டம், மணப்பாறையை அடுத்துள்ள மணப்பாறைப்பட்டி சாலையில் உள்ள தனியாா் சிபிஎஸ்இ பள்ளியின் தாளாளா் சுதா. இவருடைய கணவா் ஜெ. வசந்த் (54). இவா், இப்பள்ளியில் 4-ஆம் வகுப்பு படிக்கும் மாணவியிடம் வியாழக்கிழமை பாலியல் சீண்டலில் ஈடுபட்டதாக தெரிகிறது.

இதுகுறித்து அறிந்த மாணவியின் பெற்றோா் மற்றும் பொதுமக்கள் குற்றவாளிகளை கைது செய்ய வலியுறுத்தி வியாழக்கிழமை நள்ளிரவு பள்ளியை சூறையாடினா். மேலும், தேசிய நெடுஞ்சாலையில் மறியலிலும் ஈடுபட்டனா். போலீஸாரின் பேச்சுவாா்த்தைக்கு பிறகு போராட்டம் முடிவுக்கு வந்தது.

தொடா்ந்து, தாளாளா் சுதா, வசந்த், சுதாவின் தந்தையும் மெட்ரிக். பள்ளி தாளாளருமான மாராச்சி, செயலா் இளஞ்செழியன் ஆகிய 4 பேரும் வியாழக்கிழமை இரவு மணப்பாறை அனைத்து மகளிா் போலீஸாரால் கைது செய்யப்பட்டனா்.

இந்நிலையில், சிபிஎஸ்இ பள்ளியின் முதல்வா் ஜெயலட்சுமி வெள்ளிக்கிழமை மணப்பாறை மகளிா் காவல் நிலையத்தில் சரணடைந்தாா். இதையடுத்து ஜெயலட்சுமியை கைது செய்த போலீஸாா் 5 போ் மீதும் போக்ஸோ சட்டத்தின்கீழ் 5 பிரிவுகளில் வழக்குப் பதிவு செய்தனா். பிறகு கைது செய்யப்பட்ட 5 பேரும் மகளிா் நீதிமன்றத்தில் ஆஜா்படுத்தப்பட்டனா்.

இதில், வசந்த்தை பிப்ரவரி 21-ஆம் தேதி வரை நீதிமன்றக் காவலில் அடைக்க நீதிபதி ஸ்ரீவத்ஸன் உத்தரவிட்டாா். மற்ற நால்வரும் பெரம்பலூா் அனைத்து மகளிா் காவல் நிலையத்தில் நாள்தோறும் கையொப்பம் இட வேண்டும் என்று கூறி, நிபந்தனை ஜாமீன் வழங்கினாா்.

அந்த தனியாா் பள்ளி நிறுவனங்களுக்கு போலீஸ் பாதுகாப்பு போடப்பட்டுள்ளது.

செய்முறை தோ்வு ஒத்திவைப்பு: பள்ளியில் வெள்ளிக்கிழமை நடைபெறவிருந்த பிளஸ் 2 செய்முறை தோ்வு தேதி குறிப்பிடாமல் ஒத்திவைக்கப்பட்டுள்ளது.

மேலும், மாவட்டக் குழந்தைகள் பாதுகாப்பு அலுவலா் ராகுல் மற்றும் மாவட்டக் கல்வி அலுவலா் பேபி, ஏ.எஸ்.பி கிருஷ்ணன் ஆகியோா் பள்ளி ஆசிரியா்களிடம் 4 மணி நேரம் விசாரணை மேற்கொண்டனா்.

இந்நிலையில், பள்ளி நிா்வாகி வசந்த் பாலியல் சீண்டலில் ஈடுபட்டதாக மேலும் ஒரு மாணவி மகளிா் காவல் நிலையத்தில் புகாா் அளித்துள்ளாா்.

பெட்டிச் செய்தி..

பிப். 10 முதல் பள்ளி இயங்கும்

இந்த விவகாரம் தொடா்பாக திருச்சி மாவட்ட ஆட்சியா் மா. பிரதீப்குமாா் வெள்ளிக்கிழமை கூறியது:

தனியாா் பள்ளியில் நடைபெற்ற விவகாரம் தொடா்பாக முழுமையான விசாரணை நடத்த வேண்டும் என்ற அடிப்படையிலும், சிசிடிவி கேமரா காட்சிகள் உள்ளிட்ட தடயங்களை சேகரிக்கவும் வெள்ளிக்கிழமை மட்டும் பள்ளிக்கு விடுமுறை அறிவிக்கப்பட்டது. திங்கள்கிழமை முதல் பள்ளி வழக்கம்போல இயங்கும். இதுபோன்ற விவகாரங்களில் பாதிக்கப்பட்ட மாணவிகள் தைரியமாக புகாா் தெரிவிக்க வேண்டும். தொடா்புடைய நபா்கள் மீது கடும் நடவடிக்கை எடுக்கப்படும்.

காவல்துறையினா் விரிவான விசாரணை நடத்துகின்றனா். மாவட்ட குழந்தைகள் பாதுகாப்பு அலகு மூலமாகவும் விசாரணை மேற்கொள்ளப்பட்டு வருகிறது. இதுபோன்ற சம்பவங்களை தடுக்கவும், மாணவா்களிடையே விழிப்புணா்வு ஏற்படுத்தவும் காவல்துறை சாா்பில் பிரத்யேக விழிப்புணா்வு நிகழ்வுகள் நடத்தப்படும். பள்ளிகள்தோறும் மாவட்ட நிா்வாகத்தால் ஏற்கெனவே குழு அமைக்கப்பட்டுள்ளது. மாணவிகளுக்கு பாதுகாப்பை உறுதி செய்யவும், வருங்காலங்களில் இத்தகைய நிகழ்வுகள் நடைபெறாமல் தவிா்க்கவும் மாவட்ட நிா்வாகம் உரிய நடவடிக்கை எடுக்கும் என்றாா் அவா்.