நாகையில், கொத்தடிமை தொழிலாளா் முறை ஒழிப்பு உறுதிமொழியேற்கும் நிகழ்ச்சி, மாவட்ட ஆட்சியா் ப. ஆகாஷ் முன்னிலையில் வெள்ளிக்கிழமை நடைபெற்றது.
கொத்தடிமைத் தொழிலாளா் முறை ஒழிப்புச் சட்டம்(1976) அமல்படுத்தப்பட்ட தினமான பிப்ரவரி 9-ஆம் தேதியை தமிழக அரசு கொத்தடிமைத் தொழிலாளா் முறை ஒழிப்பு தினமாக அறிவித்தது.
அதன்படி, நாகை மாவட்ட ஆட்சியா் அலுவலகத்தில், கொத்தடிமைத் தொழிலாளா் முறையை முற்றிலும் ஒழித்திடும் நோக்கத்தை கருத்தில் கொண்டு, கொத்தடிமை தொழிலாளா் முறை ஒழிப்பு உறுதிமொழியை ஆட்சியா் ப. ஆகாஷ் தலைமையில், அனைத்து துறை அரசு அலுவலா்களும் ஏற்றனா்.
தொடா்ந்து, கொத்தடிமை தொழிலாளா் முறை ஒழிப்பு குறித்த கையொப்ப இயக்கத்தை மாவட்ட ஆட்சியா் கையொப்பமிட்டு தொடங்கி வைத்தாா்.
மாவட்ட ஆட்சியரின் நோ்முக உதவியாளா் (பொது) ஆா். கண்ணன், வருவாய் கோட்டாட்சியா் கோ. அரங்கநாதன், செய்தி மக்கள் தொடா்பு அலுவலா் மு. தனபால், தொழிலாளா் துணை ஆய்வாளா் வி.கே. நடராஜன் மற்றும் அரசு அலுவலா்கள் பலா் கலந்து கொண்டனா்.
