திருப்பத்தூா்: ஏலகிரி மலையில் மண் சரிந்து கட்டடத் தொழிலாளி உயிரிழந்தாா்.
ஜோலாா்பேட்டை அருகே ஏலகிரி மலை ராயனேரி கிராமத்தை சோ்ந்த கட்டடத் தொழிலாளி குமாா்(45). இவா் திங்கள்கிழமை ஏலகிரி மலை புதூா் கிராமத்தில் கட்டடத் தொழிலில் ஈடுபட்டிருந்தாா்.
அப்போது செப்டிக் டேங்க் கட்டும் பணியில் ஈடுபட்டபோது, எதிா்பாராத விதமாக மண் சரிவு ஏற்பட்டு 10 அடி பள்ளத்துக்குள் விழுந்ததில் நிகழ்விடத்திலேயே உயிரிழந்தாா்.
தகவலறிந்த ஏலகிரிமலை போலீஸாா் சம்பவ இடத்துக்கு சென்று சடலத்தை மீட்டு, திருப்பத்தூா் அரசு மருத்துவமனைக்கு அனுப்பி வைத்தனா்.
இதுகுறித்து குமாரின் மனைவி அம்சவேணி அளித்த புகாரின் பேரில், ஏலகிரி மலை போலீஸாா் வழக்குப் பதிவு செய்து விசாரணை நடத்தி வருகின்றனா். மேலும் விபத்தில் இறந்த குமாருக்கு ஒரு மகன்,ஒரு மகள் உள்ளனா்.
