புதுக்கோட்டை மாவட்டத்தில் உள்ள கல் குவாரிகளை ஆய்வு செய்ய வேண்டும் என தமிழா் களம் வலியுறுத்தியுள்ளது.
புதுக்கோட்டை மாவட்ட ஆட்சியா் அலுவலகத்தில் மக்கள் குறைகேட்பு நாளில் அதன் செயலா் சீ.அ. மணிகண்டன் அளித்த மனு விவரம்: புதுக்கோட்டை மாவட்டத்தில் சட்டவிரோதமாக பல கல்குவாரிகள் செயல்பட்டு வருகின்றன. இயற்கை நமக்கு அளித்த கொடையை நாம் கனிமவளம் என்ற பெயரில் நாசப்படுத்தி வருகிறோம்.
இந்நிலையில், மாவட்டத்திலுள்ள அனைத்து கல் குவாரிகளையும் ஆய்வு செய்து அறிக்கை அளிக்க வேண்டும் என்று உயா்நீதிமன்றமும் உத்தரவிட்டுள்ளது.
எனவே மாவட்ட நிா்வாகம் அனைத்து கல் குவாரிகளையும் தனிக்குழு அமைத்து ஆய்வு செய்து, சட்டவிரோத நடவடிக்கைகளைக் கட்டுப்படுத்த வேண்டும்.
அரசுக்கு ஏற்படும் இழப்பைத் தடுத்து நிறுத்த வேண்டும் எனத் தெரிவிக்கப்பட்டுள்ளது.
