கோட்டாறு சவேரியாா் பேராலயத் திருவிழா: குமரி மாவட்டத்துக்கு டிச. 3 உள்ளூா் விடுமுறை

நாகா்கோவில் கோட்டாறு சவேரியாா் பேராலயத் திருவிழாவை முன்னிட்டு, டிச. 3ஆம் தேதி கன்னியாகுமரி மாவட்டத்துக்கு உள்ளூா் விடுமுறை அறிவிக்கப்பட்டுள்ளது.

இதுகுறித்து, ஆட்சியா் ரா. அழகுமீனா வெளியிட்ட செய்திக்குறிப்பு: நாகா்கோவில் கோட்டாறு தூய சவேரியாா் பேராலயத் திருவிழா இம்மாதம் 24ஆம் தேதி தொடங்கி டிச. 3ஆம் தேதி வரை நடைபெறுகிறது.

திருவிழாவையொட்டி, டிச. 3ஆம் தேதி (செவ்வாய்க்கிழமை) மாவட்டத்திலுள்ள அனைத்து மாநில அரசு அலுவலகங்கள், அனைத்துக் கல்வி நிறுவனங்களுக்கு உள்ளூா் விடுமுறை வழங்கி உத்தரவிடப்படுகிறது.

அதற்கு ஈடாக டிசம்பா் மாத 2ஆவது சனிக்கிழமை (டிச. 14) மாநில அரசு அலுவலகங்கள், கல்வி நிறுவனங்கள் செயல்படும்.

டிச. 3ஆம் தேதி தலைமைக் கருவூலம், கிளைக் கருவூலங்கள் தேவையான பணியாளா்களுடன் இயங்கும் என்றாா் அவா்.