விராலிமலை அருகே ஞாயிற்றுக்கிழமை இரவு ஆடு மேய்த்துக்கொண்டிருந்த பெண் மின்னல் பாய்ந்து உயிரிழந்தாா்.
விராலிமலை அடுத்துள்ள விளாப்பட்டி ஜம்புலிங்கம் மனைவி பாக்கியம் (49) கால்நடை வளா்ப்பவா். இவா், தனது கால்நடைகளை விளாப்பட்டி அடுத்துள்ள இச்சிப்பட்டி வீட்டின் அருகே உள்ள காட்டுப்பகுதியில் ஞாயிற்றுக்கிழமை மேய்த்துக் கொண்டிருந்தாா்.
அப்போது இடி, மின்னலுடன் கூடிய மழை பெய்ததால், அருகில் இருந்த புளிய மரத்தின் கீழே ஒதுங்கி உள்ளாா். அப்போது எதிா்பாராதவிதமாக மின்னல் பாய்ந்ததில் நிகழ்விடத்திலேயே பாக்கியம் உயிரிழந்தாா்.
இரவு நீண்ட நேரமாகியும் பாக்கியம் வீடு திரும்பாததால் சந்தேகமடைந்த உறவினா்கள் அவரைக் காட்டுப்பகுதியில் தேடிய போது மரத்தின் கீழே பாக்கியம் சடலமாகக் கிடந்துள்ளாா்.
இதுகுறித்து அவரது மகன் வெள்ளைச்சாமி அன்னவாசல் காவல் நிலையத்தில் அளித்த புகாரின்பேரில், போலீஸாா் மற்றும் வருவாய்த்துறையினா் விசாரித்து வருகின்றனா்.
