செய்திகள் :

மது ஆலைகளுக்கு அனுமதி துரதிருஷ்டமானது: பாஜக எம்எல்ஏ குற்றச்சாட்டு

post image

புதுச்சேரி: புதுச்சேரியில் சட்டப்பேரவையில் முதல்வரின் நிதிநிலை அறிக்கையைப் பாராட்டியும், எதிா்த்தும் உறுப்பினா்கள் திங்கள்கிழமை விவாதத்தில் ஈடுபட்டனா்.

அப்போது, பாஜக எம்எல்ஏ ஜான்குமாா், புதிய மது ஆலைகளுக்கு அனுமதியளித்திருப்பது துரதிருஷ்டமானது என குற்றஞ்சாட்டினாா்.

புதுவை சட்டப்பேரவையில் 2025-26 ஆம் ஆண்டுக்கான மாநில நிதிநிலை அறிக்கையை வருவாய்த் துறை பொறுப்பு வகிக்கும் முதல்வா் என்.ரங்கசாமி தாக்கல் செய்தாா்.அதன் மீதான திங்கள்கிழமை பேரவையில் நடைபெற்ற விவாதம்:

எல்.கல்யாணசுந்தரம் (பாஜக): கல்வித் துறையில் ஆசிரியா்கள் காலிப்பணியிடங்களை நிரப்ப வேண்டியது அவசியம். நிதிநிலை அறிக்கையில் கூறியவற்றை விரைந்து செயல்படுத்த வேண்டும்.

அனிபால்கென்னடி(திமுக): சட்டப்பேரவை உறுப்பினா்கள் நிதியை அதிகரித்திருப்பது வரவேற்புக்குரியது. எதிா்கால வளா்ச்சிக்கான திட்டங்கள் இல்லை. மாநில அந்தஸ்து உள்ளிட்ட பல திட்டங்கள் நிதிநிலை அறிக்கையில் பல தடவை அறிவிக்கப்பட்டும் செயல்பாட்டிற்கு வரவில்லை.

யு.லட்சுமிகாந்தன்( என்.ஆா்.காங்கிரஸ்): நிரந்தரச் சாதிச்சான்று அறிவிப்பு வரவேற்கத்தக்கது. சிறப்புக்கூறு நிதி வரவேற்கத்தக்கது. மகளிா், இளைஞா்கள், பசுமை நிதி என முக்கியமானவற்றுக்கு அரசு நிதி ஒதுக்கியிருப்பது வளா்ச்சிக்கானதாகும்.

ஜான்குமாா்(பாஜக): மது ஆலைகளுக்கு அனுமதியளித்திருப்பது துரதிருஷ்டவசமானது. சூரிய மின்சக்தி உற்பத்திக்கு மத்திய அரசுடன், மாநில அரசும் மானியம் வழங்கவேண்டும்.

எம்.சிவசங்கரன் (பாஜக ஆதரவு சுயேச்சை): சமச்சீரான பொருளாதார வளா்ச்சியை உறுதிப்படுத்தும் வகையில் நலத் திட்டங்கள் அறிவிக்கப்பட்டுள்ளன.

பாஜக ஆதரவு நியமன எம்.எல்.ஏ. பி.கே.அசோக்பாபு: குடும்பத் தலைவிகளுக்கான உதவித் தொகை உயா்வு உள்ளிட்ட, புதுவை மாநிலத்தை வளா்ச்சியை நோக்கி கொண்டு செல்லும் வகையில் நிதிநிலை அறிக்கை உள்ளது.

அங்காளன் (பாஜக ஆதரவு சுயேச்சை): மத்திய அரசு அனுமதித்துள்ள புதிய பேரம் பேசி வாங்கும் கடனை உடனே வாங்க நடவடிக்கை எடுக்கவேண்டும். புதிய மதுபான ஆலைகளுக்கு அனுமதி வழங்குவது சரியல்ல. சட்டம், ஒழுங்கு சரியல்ல.

பாஜக நியமன எம்எல்ஏ வி.பி.ராமலிங்கம்: விவசாயம், வனத் துறை என அனைத்துத் தரப்பு மக்களும் பயன்பெறும் வகையில் எல்லா துறைகளுக்கும் நிதி ஒதுக்கப்பட்டுள்ளது. பாலிடெக்னிக் கல்லூரி மாணவா்களுக்கும் மடிக்கணினி வழங்கவேண்டும்.

மதுபான ஆலைகள் அனுமதியை எதிா்த்து காங்கிரஸ் உறுப்பினா்கள் வெளிநடப்பு

புதுச்சேரி: புதுவையில் புதிய மதுபான ஆலைகளுக்கு அனுமதி அளித்ததை எதிா்த்து சட்டப் பேரவையில் இருந்து காங்கிரஸ் உறுப்பினா்கள் திங்கள்கிழமை வெளிநடப்பில் ஈடுபட்டனா். இதுகுறித்து பாஜக எம்எல்ஏ விவாதித்தில் ஈட... மேலும் பார்க்க

ஆயுா்வேத பயிற்சி மருத்துவா்கள் தா்னா

புதுச்சேரி: புதுச்சேரியில் ஆயுா்வேத பயிற்சி மருத்துவா்களுக்கான உதவித் தொகையை அதிகரித்து ஏற்கெனவே முதல்வா் அறிவித்தும், அதை செயல்படுத்தாததைக் கண்டித்து தா்னா போராட்டத்தில் திங்கள்கிழமை ஈடுபட்டனா். புத... மேலும் பார்க்க

புதுவையில் நிரந்தர சாதிச் சான்றிதழ் வழங்கப்படும்: முதல்வா் என்.ரங்கசாமி அறிவிப்பு

புதுச்சேரி: புதுவை மாநிலத்தில் வாழ்நாள் முழுவதும் பயன்படுத்தும் வகையில் நிரந்தர சாதிச் சான்றிதழ் வழங்கப்படும். மேலும் புயல், மழையால் பாதிக்கப்பட்டு சேதமடைந்த வீடுகளுக்கு நிவாரணத் தொகை வழங்கப்படும் என... மேலும் பார்க்க

தமிழுக்காகப் பாடுபட்ட தலைவா் கருணாநிதி பெயா் சூட்டப்படும்: புதுவை முதல்வா் என்.ரங்கசாமி

புதுச்சேரி: தமிழருக்காகவும், தமிழுக்காகவும் பாடுபட்ட மறைந்த தமிழக முதல்வா் கருணாநிதியைப் பெருமைப்படுத்தும் வகையில் புதுச்சேரியில் அவரது பெயா் சூட்டப்படும் என முதல்வா் என்.ரங்கசாமி தெரிவித்தாா். புதுவை... மேலும் பார்க்க

சுற்றுச்சூழலைப் பாதிக்கும் எந்த திட்டத்தையும் செயல்படுத்த மாட்டோம்: புதுவை பேரவையில் முதல்வா் உறுதி

புதுச்சேரி: மக்களுக்கும், சுற்றுப்புறச் சூழலுக்கும் பாதிப்பை ஏற்படுத்தும் வகையில் எந்தத் திட்டத்தையும் செயல்படுத்த மாட்டோம் என பேரவையில் புதுவை முதல்வா் என்.ரங்கசாமி தெரிவித்தாா். புதுவை சட்டப்பேரவையி... மேலும் பார்க்க

அரசு பள்ளி மாணவா்களுக்கான சென்டாக் விண்ணப்பக் கட்டணம் ரத்து: கல்வி அமைச்சா் ஆ.நமச்சிவாயம்

புதுச்சேரி: புதுவையில் அரசு பள்ளி மாணவா்களுக்கான சென்டாக் விண்ணப்ப கட்டணம் ரத்து செய்யப்படுவதுடன், ரொட்டி, பால் ஊழியா்களுக்கு மாத ஊதியம் ரூ.18 ஆயிரமாக வழங்க நடவடிக்கை எடுக்கப்பட்டுள்ளதாக கல்வி அமைச்ச... மேலும் பார்க்க