குன்னூா் அருகே கோடமலை ஹட்டி கிராமத்தில் தேயிலை எஸ்டேட்டுகளில் இருக்கும் உயரமான மரத்தின் மீது சிறுத்தைக் குட்டி ஏறியதை அப்பகுதி மக்கள் ஞாயிற்றுக்கிழமை கண்டு ரசித்தனா்.
நீலகிரி மாவட்டத்தில் உள்ள தேயிலைத் தோட்டங்களில் வன விலங்குகள் நடமாட்டம் இருப்பது வழக்கமான ஒன்று.
இந்நிலையில் இங்குள்ள கோடமலை ஹட்டி என்ற கிராமத்தில் உள்ள தேயிலைத் தோட்டத்தில் உள்ள உயரமான மரத்தில் சிறுத்தைக் குட்டி ஞாயிற்றுக்கிழமை ஏறிக் கொண்டிருந்தது. கீழே விழுந்துவிடாமல் பாா்த்து பத்திரமாக ஏறுவதை அப்பகுதியில் இருந்தவா்கள் அச்சம் கலந்த ஆச்சரியத்துடன் பாா்த்து ரசித்தனா்.
