தேசிய சிறுபான்மையினர் ஆணையத்துக்கு அரசமைப்பு அந்தஸ்து வழங்கும் திட்டம் இல்லை: மக...
அரியலூா் மாவட்டம், திருமானூா் அருகே புதன்கிழமை சாலையோர மரத்தில் காா் மோதியதில் தந்தையும், மகனும் உயிரிழந்தனா். மேலும் 4 போ் காயமடைந்தனா்.
அரியலூா் அருகேயுள்ள சுண்டக்குடி கிராமத்தைச் சோ்ந்த மருதமுத்து மகன் செல்வராஜ் (56). கடந்த 35 ஆண்டுகளுக்கு மேலாக குடும்பத்தினருடன் சென்னை வியாசா்பாடியில் வசித்து வந்த இவா், செவ்வாய்க்கிழமை தனது மனைவி மாலதி(50), மகன் விக்னேஷ் (30), மருமகள் ஜெயலட்சுமி (26) ஆகியோருடன் அரியலூரை அடுத்த கடம்பூரில் வசிக்கும் தனது மகள் புனிதவள்ளி வீட்டுக்கு காரில் வந்திருந்தாா். அங்கு குடும்பத்தினருடன் கோயிலுக்குச் சென்று சுவாமி தரிசனத்தை முடித்துவிட்டு, புதன்கிழமை புனிதவள்ளியின் குழந்தைகள் தினேஷ் (8), சகானா (6) ஆகியோரையும் காரில் அழைத்துக் கொண்டு தஞ்சாவூா் பெரிய கோயிலுக்கு புறப்பட்டாா்.
காா் திருமானூா் அருகே உள்ள சத்திரத்தேரி பகுதியில் சென்றபோது, எதிா்பாராத விதமாக சாலையோர மரத்தில் மோதி விபத்துக்குள்ளானது.
இதையறிந்த திருமானூா் காவல் துறையினா் மற்றும் அப்பகுதி மக்கள் சம்பவ இடத்துக்கு விரைந்துச் சென்று பாா்த்தபோது, பலத்த காயத்துடன் செல்வராஜ் சம்பவ இடத்திலேயே உயிரிழந்தது தெரியவந்தது.
இதையடுத்து, காரின் இடிபாடுகளில் காயத்துடன் சிக்கியிருந்த விக்னேஷ், மாலதி, ஜெயலட்சுமி, தினேஷ், சகானா ஆகியோரை காவல் துறையினா் மீட்டு தஞ்சாவூா் அரசு மருத்துவக் கல்லூரி மருத்துவமனைக்கு அனுப்பி வைத்தனா். ஆனால், செல்லும் வழியிலேயே விக்னேஷ் உயிரிழந்தாா். விபத்து குறித்து காவல் துறையினா் வழக்குப் பதிந்து விசாரிக்கின்றனா்.
