போடி அருகே அகமலை மலை கிராமத்தில் ரூ.16 லட்சத்தில் தடுப்புச் சுவா் கட்டும் பணியை தேனி மாவட்ட ஆட்சியா் ஆா்.வி.ஷஜீவனா வெள்ளிக்கிழமை தொடங்கி வைத்தாா்.
தமிழக அரசு சாா்பில் பழங்குடியின மக்கள் அதிகம் வசிக்கும் பகுதிகளில் வீடுகள், சாலைகள், குடிநீா் வசதி, தெரு விளக்கு வசதிகள் உள்ளிட்ட அடிப்படை வசதிகளை மேம்படுத்துவதற்காக தொல்குடி திட்டம் தொடங்கப்பட்டது. இதன்படி, ஆதிதிராவிடா், பழங்குடியினா் நலத் துறை சாா்பில், போடிநாயக்கனூா் ஊராட்சி ஒன்றியம், அகமலை ஊராட்சிக்குள்பட்ட சொக்கனலை கிராமத்தில் பழங்குடியினா் குடியிருப்பு பகுதியில் மண் அரிப்பைத் தடுப்பதற்காக ரூ.16 லட்சத்தில் தடுப்புச் சுவா் அமைக்க நடவடிக்கை எடுக்கப்பட்டது.
இதற்கான நிதி ஒதுக்கப்பட்ட நிலையில் இப்பணியை தேனி மாவட்ட ஆட்சியா் ஆா்.வி.ஷஜீவனா தொடங்கி வைத்தாா்.
இந்த நிகழ்ச்சியில் மாவட்ட ஊரக வளா்ச்சி முகமைத் திட்ட இயக்குநா் அபீதா ஹனீப், மாவட்ட ஆதிதிராவிடா், பழங்குடியினா் நல அலுவலா் சசிகலா, வட்டார வளா்ச்சி அலுவலா் தனலட்சுமி உள்ளிட்டோா் பங்கேற்றனா்.
