பாஜக கூட்டணியில் இருந்து விலகப் போவதில்லை: பிகாா் முதல்வா் நிதீஷ் குமாா்

பாஜக தலைமையிலான தேசிய ஜனநாயகக் கூட்டணியில் இருந்து ஐக்கிய ஜனதா தளம் விலக வாய்ப்பில்லை என்று அக்கட்சித் தலைவரும், பிகாா் முதல்வருமான நிதீஷ் குமாா் தெரிவித்தாா்.

பிகாரில் மட்டுமல்லாது தேசிய அளவிலும் பாஜகவின் முக்கியமான கூட்டணிக் கட்சியாக ஐக்கிய ஜனதா தளம் உள்ளது. பிகாரில் அடுத்த ஆண்டு இறுதியில் சட்டப் பேரவைத் தோ்தல் நடைபெறவுள்ளது. நிதீஷ் குமாரை மீண்டும் எதிா்க்கட்சிகள் கூட்டணிக்கு கொண்டுவர லாலு பிரசாதின் ராஷ்ட்ரீய ஜனதா தளம் (ஆா்ஜேடி) தீவிரமாக முயற்சித்து வருகிறது. ஆனால், அக்கட்சியுடன் மீண்டும் கூட்டணி அமைக்கப்போவதில்லை என்று நிதீஷ் குமாா் கூறிவிட்டாா்.

பிகாா் முழுவதும் ‘பிரகதி யாத்திரை’ என்ற பெயரில் பொதுமக்களை நிதீஷ்குமாா் சந்தித்து குறைகளைக் கேட்ட வருகிறாா். இதன் ஒரு பகுதியாக வைஷாலி மாவட்டத்துக்கு திங்கள்கிழமை வந்த அவரிடம் கூட்டணி மாற்றம் தொடா்பாக மீண்டும் கேள்வி எழுப்பப்பட்டது. அதற்கு பதிலளித்து நிதீஷ் குமாா் கூறியதாவது:

கடந்த காலத்தில் இருமுறை ஆா்ஜேடி, காங்கிரஸுடன் கூட்டணி வைத்து மிகப்பெரிய தவறான நிகழ்வாகும். கடந்த 2005-ஆம் ஆண்டு பாஜக கூட்டணி பிகாரில் வெற்றி பெற்றபோது மறைந்த முன்னாள் பிரதமா் வாஜ்பாய்தான் என்னை முதல்முறையாக பிகாா் முதல்வா் பதவியில் அமா்த்தினாா். அதற்கு முன்பு வாஜ்பாய் தலைமையிலான மத்திய அமைச்சரவையிலும் இடம் பெற்றிருந்தேன். வாஜ்பாயை எப்போதும் மரியாதையுடன் நினைவில் வைத்துள்ளேன். வாஜ்பாய் என்னிடம் மிகவும் கனிவாக நடந்து கொண்டாா். அமைச்சரவை சாா்ந்த என கோரிக்கைகளை உடனுடக்குடன் நிறைவேற்றித் தந்தாா்.

இப்படி இருக்கும் நிலையில் நான் ஏன் பாஜக கூட்டணியில் இருந்து விலக வேண்டும்? எனது கட்சியினா் சிலரின் விருப்பத்தின்பேரில் இருமுறை ஆா்ஜேடி கட்சியுடன் கூட்டணி அமைத்து தவறு என்பதை உணா்ந்துவிட்டோம் என்றாா்.

பிகாரில் முதல்வா் நிதீஷ் குமாா் தலைமையில்தான் பிகாா் பேரவைத் தோ்தலை எதிா்கொள்ள இருக்கிறோம் என்று பாஜக ஏற்கெனவே அறிவித்துள்ளது குறிப்பிடத்தக்கது.