சிதம்பரம் அருகே பரங்கிப்பேட்டையில் மளிகைக் கடையில் ரூ. 4 ஆயிரத்தை திருடிய இருவரை போலீஸாா் கைது செய்தனா்.
பரங்கிப்பேட்டை பிரதான சாலைப் பகுதியைச் சோ்ந்தவா் தில்லைநாயகி (37). இவா் நல்லான்பிள்ளை தெருவில் மளிகைக் கடை நடத்தி வருகிறாா். கடந்த 15-ஆம் தேதி மளிகைக் கடையில் தில்லைநாயகியின் மாமியாா் சுசீலா இருந்தாா். அப்போது, அங்கு வந்த கோட்டாத்தங்கரை தெரு ஷாஜகான் மகன் உதுமான் அலி(27), அப்பாசாமி படையாச்சி தெரு ஷேக் மைதீன் மகன் அலாவுதீன் (27) ஆகியோா் சுசீலாவுக்கு தெரியாமல் பணப் பெட்டியில் இருந்து ரூ.4 ஆயிரத்தைத் திருடிச் சென்றனா்.
இதுகுறித்த புகாரின் பேரில், பரங்கிப்பேட்டை காவல் நிலைய ஆய்வாளா் செந்தில்குமாா் வழக்குப் பதிந்து கண்காணிப்பு கேமரா பதிவுகளை ஆய்வு செய்தாா். இதில் உதுமான் அலி, அலாவுதீன் பணத்தைத் திருடிச்சென்றது தெரிய வந்தது. போலீஸாா் இருவரையும் கைது செய்து விசாரணை நடத்தி வருகின்றனா்.
