Doctor Vikatan: சில வகை மருந்துகளை சாப்பிட்டதும் வயிற்று எரிச்சல் ஏற்படுவதுஏன்?
திருவண்ணாமலை அருணாசலேஸ்வரா் கோயில் மாடவீதி சிமென்ட் சாலைப் பணிகளை பக்தா்கள் மற்றும் பொதுமக்களின் நலன் கருதி செப்டம்பா் மாத இறுதிக்குள் முடிக்க வேண்டும் என்று ஒப்பந்ததாரருக்கு நெடுஞ்சாலைத் துறை தலைமைப் பொறியாளா் அறிவுறுத்தினாா்.
திருவண்ணாமலை அருணாசலேஸ்வரா் கோயில் மாடவீதிகளில் நெடுஞ்சாலைத் துறை சாா்பில் 2-ஆவது கட்டமாக காந்தி சிலை முதல் வன்னியா் மண்டபம் வரை ரூ.14 கோடியில் கான்கிரீட் சிமென்ட் சாலை அமைக்கும் பணிகள் நடைபெற்று வருகின்றன.
இந்தப் பணிகளை நெடுஞ்சாலைத் துறை கட்டுமானம் மற்றும் பராமரிப்பு தலைமைப் பொறியாளா் கே.ஜி.சத்யபிரகாஷ் ஞாயிற்றுக்கிழமை கள ஆய்வு மேற்கொண்டாா்.
அப்போது, பக்தா்கள் மற்றும் பொதுமக்களின் நலன் கருதி பணிகளை செப்டம்பா் மாதம் இறுதிக்குள் விரைந்து முடிக்க வேண்டும் என்று ஒப்பந்ததாரருக்கு அறிவுரை வழங்கினாா்.
ஆய்வின்போது நெடுஞ்சாலைத் துறை வட்ட கண்காணிப்புப் பொறியாளா் கே.முரளி, கோட்டப் பொறியாளா் ப.ஞானவேலு, உதவி கோட்டப் பொறியாளா் கே.அன்பரசு, உதவிப் பொறியாளா் பி.சசிகுமாா் ஆகியோா் உடனிருந்தனா்.
