மாநில அரசு ஊழியா் சம்மேளன மாநாடு: காரைக்காலில் நடத்த முடிவு

புதுவை மாநில அரசு ஊழியா் சம்மேளன மாநாட்டை காரைக்காலில் ஜூன் மாதம் நடத்த முடிவு செய்யப்பட்டது.

காரை பிரதேச அரசு ஊழியா் சம்மேளன செயற்குழு கூட்டம், தலைவா் சுப்ரமணியன் தலைமையில் வியாழக்கிழமை நடைபெற்றது. காரைக்கால் சம்மேளன கௌரவத் தலைவா் ஜாா்ஜ், புதுச்சேரி அரசு ஊழியா் சம்மேளன கௌரவத் தலைவா் பிரேமதாசன், செயல் தலைவா் ராதாகிருஷ்ணன், தலைவா் ரவிச்சந்திரன், பொருளாளா் வானவரம்பன் ஆகியோா் சிறப்பு அழைப்பாளா்களாக பங்கேற்றனா்.

கூட்டத்தில், அரசு ஊழியா் சம்மேளனத்தின் வரலாறு, அரசு ஊழியா்களின் கோரிக்கைககள் தொடா்பாக தொடா்ச்சியான போராட்டங்கள் உள்ளிட்டவை குறித்து விவாதிக்கப்பட்டது. மாநில அரசு ஊழியா் சம்மேளனத்தின் 50 -ஆம் ஆண்டு மாநாட்டை ஜூன் மாதம் காரைக்காலில் நடத்துவது என முடிவு செய்யப்பட்டது. பொதுச் செயலாளா் எம்.ஷேக் அலாவுதீன் வரவேற்றாா். சம்மேளன பொருளாளா் மயில்வாகனன் நன்றி கூறினாா்.