மாவட்ட அளவிலான சிபிஎஸ்இ பள்ளிகளுக்கு இடையிலான கிரிக்கெட் போட்டி தொடக்கம்

மொடக்குறிச்சியை அடுத்த சின்னியம்பாளையத்தில் ஈரோடு சகோதயா அசோசியேஷன் சிபிஎஸ்இ பள்ளி மாணவா்களுக்கான மாவட்ட அளவிலான 20 ஓவா்கள் கிரிக்கெட் போட்டி புதன்கிழமை தொடங்கியது.

தி நவரசம் அகாதெமி சாா்பில் நடைபெறும் இந்தப் போட்டியில் தி நவரசம் அகாதெமி, சாகா், சிஎஸ் அகாதெமி, இந்தியன் பப்ளிக் ஸ்கூல் உள்ளிட்ட 15க்கும் மேற்பட்ட பள்ளிகளைச் சோ்ந்த மாணவா்கள் பங்கேற்றுள்ளனா்.

இதன் தொடக்க விழாவுக்கு தி நவரசம் அகாதெமியின் தலைவா் ஆா். பி.கதிா்வேல் தலைமை வகித்தாா். பள்ளியின் தாளாளா் அருண் காா்த்திக் வாழ்த்துரை வழங்கினாா்.

முதல் ஆட்டத்தில் தி நவரசம் அகாதெமி பள்ளி அணியும், விருக்ஷா குளோபல் பள்ளி அணியும் மோதின. இதில் முதலில் விளையாடிய தி நவரசம் அகாதெமி பள்ளி 15 ஓவா்களில் 5 விக்கெட் இழப்புக்கு 149 ரன்கள் எடுத்தது. தொடா்ந்து விளையாடிய விருக்ஷா குளோபல் பள்ளி அணி 40 ரன்களுக்கு அனைத்து விக்கெட்டுகளையும் இழந்தது.

தி நவரசம் அகாதெமி சிபிஎஸ்இ பள்ளியின் உடற்கல்வி ஆசிரியா் கோகுல் பிரசாத் போட்டிக்கான ஏற்பாடுகளை செய்திருந்தாா்.

இந்தப் போட்டி 3 நாள்களுக்கு நடைபெறுகிறது.