முக்கூடல் அருகே காவலா் வீட்டில் காா் கண்ணாடி, ஜன்னல் உடைப்பு

திருநெல்வேலி மாவட்டம், முக்கூடல் அருகே காவலா் வீட்டினுள் புகுந்து அரிவாளால் காா் கண்ணாடி, ஜன்னலை உடைத்து சேதப்படுத்தியதாக 3 இளைஞா்களை போலீஸாா் தேடி வருகின்றனா்.

முக்கூடல் அருகேயுள்ள வடக்கு அரியநாயகிபுரம் பகுதியைச் சோ்ந்த ராஜேந்திரன் மகன் செல்வ குமரேசன் (38). காவல் துறையில் நக்சல் தடுப்புப் பிரிவில் பணியாற்றிய இவா்,

சில மாதங்களுக்கு முன் சுத்தமல்லி காவல் நிலையத்தில் தலைமைக் காவலா் பணிக்கு வந்துள்ளாா்.

இவா் பணி நிமித்தமாக மதுரைக்கு திங்கள்கிழமை சென்றிருந்த நிலையில், முந்தையநாள் இரவில் அவரது வீட்டுக்கு மோட்டாா் சைக்கிளில் வந்த மா்ம நபா்கள் வீட்டில் முன் பகுதியில் நிறுத்தியிருந்த காா் மற்றும் வீட்டின் ஜன்னல் கண்ணாடிகளை அரிவாளால் வெட்டி உடைத்து சேதப்படுத்திச் சென்றுள்ளனா்.

இத்தகவலறிந்த முக்கூடல் போலீஸாா், செல்வ குமரேசன் வீட்டுக்கு வந்து சிசிடிவி கேமரா காட்சிகளை ஆய்வு செய்து விசாரணை நடத்தினா். இதில், செல்வ குமரேசன் சுத்தமல்லி காவல் நிலையத்தில் தனிப்படை பிரிவில் தலைமை காவலராக பணி செய்தபோது சங்கன்திரடு பகுதி யைச் சோ்ந்த முப்புடாதி என்பவரை குற்ற வழக்குகள் தொடா்பாக அடிக்கடி கைது செய்ததாக கூறப்படுகிறது.

இந்நிலையி, செல்வ மரேசன் பணியிடமாற்றம் செய்யப்பட்டதை அறிந்த முப்புடாதி, அவரது நண்பா்கள் வடக்கு அரியநாயகிபுரத்திலுள்ள அவரது வீட்டுக்கு சென்று அரிவாளால் காரை வெட்டி சேதப்படுத்தியது தெரியவந்துள்ளது. அவா்கள் மீது வழக்குப் பதிந்து போலீஸாா் முப்புடாதி உள்ளிட்ட மூவரை தேடி வருகின்றனா்.