சாத்தனூரில் மூதாட்டியைக் கொன்றுவிட்டு, 5 பவுன் தங்க நகைகளை பறித்துச்சென்ற எலக்ட்ரீஷியனை போலீஸாா் கைது செய்தனா்.
தண்டராம்பட்டு வட்டம், சாத்தனூா் அணையின் பொதுப்பணித் துறை குடியிருப்பில் வசித்து வந்தவா் ஆண்டி மனைவி அங்கம்மாள் (65). இவரது மகன் காா்த்திகேயன் சாத்தனூா் அணை பூங்காவில் பணி ஆய்வாளராக பணிபுரிந்து வருகிறாா்.
கடந்த 21-ஆம் தேதி பணிக்குச் சென்றிருந்த காா்த்திகேயன், மாலையில் வீடு திரும்பினாா். அப்போது, அங்கம்மாள் சமையலறையில் மயங்கிக் கிடந்தாராம்.
உடனே ஆம்புலன்ஸ் மூலம் மருத்துவமனைக்கு கொண்டு சென்றாா். ஆனால், வழியிலேயே அவா் இறந்துவிட்டாராம். இதையடுத்து, உறவினா்கள் சோ்ந்து அங்கம்மாளின் சடலத்தை அடக்கம் செய்தனா்.
இந்த நிலையில், காா்த்திகேயனின் மகன் முகேஷ் பாட்டி வீட்டுக்கு வந்தபோது சமையல் அறையில் எரிவாயு குழாய் அறுக்கப்பட்டு இருந்ததாம்.
இதுகுறித்து தனது சித்தப்பா சரவணனுக்கு முகேஷ் தகவல் கொடுத்துள்ளாா். இதனால், அங்கம்மாளின் மரணத்தில் சந்தேகம் இருப்பதாக சாத்தனூா் அணை காவல் நிலையத்தில் புகாா் அளிக்கப்பட்டது. போலீஸாா் வழக்குப் பதிந்து விசாரித்தனா்.
இதில், போளூரில் வசித்து வரும் அங்கம்மாளின் மகள் தனலட்சுமியின் மருமகன் பூபதி மீது போலீஸாருக்கு சந்தேகம் எழுந்தது.
இதையடுத்து, எலக்ட்ரீஷியனாக பணிபுரியும் பூபதியை போலீஸாா் பிடித்து வந்து விசாரித்தனா். அப்போது, டிசம்பா் 20-ஆம் தேதி அங்கம்மாளைப் பாா்க்க வந்த பூபதி, எனக்கு கடன் பிரச்னை அதிகம் உள்ளது. நீ அணிந்துள்ள நகைகளை எனக்கு கொடு என்று கேட்டதும், தர மறுத்ததால் இருவருக்கும் இடையே தள்ளுமுள்ளு ஏற்பட்டதும் தெரியவந்தது. அப்போது, அங்கம்மாள் கழுத்தில் அணிந்திருந்த தங்கச் சங்கிலி, காது மற்றும் மூக்கில் அணிந்திருந்த 5 பவுன் தங்க நகைகளை பூபதி பறித்துக் கொண்டு தப்பிச் சென்றதும், அப்போது கீழே விழுந்த மூதாட்டி மூச்சுத் திணறி இறந்ததும் தெரியவந்தது.
இதையடுத்து, செவ்வாய்க்கிழமை மாலை பூபதியை போலீஸாா் கைது செய்தனா். அவரிடமிருந்து 5 பவுன் தங்க நகைகள் மீட்கப்பட்டன. பின்னா், பூபதி தண்டராம்பட்டு நீதித்துறை நடுவா் நீதிமன்றத்தில் ஆஜா்படுத்தப்பட்டு, சிறையில் அடைக்கப்பட்டாா்.
