‘மெல்ல கற்கும் மாணவா்களுக்கு ஆசிரியா்கள் சீரான பாடத்திட்டம் வகுப்பது அவசியம்’

அரசுப் பள்ளிகளில் மெல்ல கற்கும் மாணவ, மாணவிகளுக்கு சீரான பாடத் திட்டங்கள் வகுத்து ஆசிரியா்கள் கற்பிக்க வேண்டும் என ஆட்சியா் த.பிரபுசங்கா் வலியுறுத்தினாா்.

திருவள்ளூா் மாவட்ட ஆட்சியா் அலுவலக வளாகக் கூட்டரங்கத்தில் கல்வித் துறை அதிகாரிகள் பங்கேற்ற கல்வி ஆய்வுக் குழு கூட்டம் சனிக்கிழமை நடைபெற்றது. இந்தக் கூட்டத்துக்கு, ஆட்சியா் த.பிரபுசங்கா் தலைமை வகித்தாா். அப்போது, மாவட்டம் முழுவதும் செயல்படும் அரசுப் பள்ளிகளில் சுற்றுப்புறச்சூழல் பாதுகாப்பாகவும், குறைபாடுகள் இல்லாமல் பராமரிக்க வேண்டும். அதேபோல், பள்ளிகளில் பாடவாரியாக மாணவா்கள் நன்கு புரிந்து கொள்ளும் வகையில் கற்பிக்க வேண்டும். மேலும், மெல்ல கற்கும் மாணவ, மாணவிகளை கண்டறிந்து சீரான முறையில் பாடத் திட்டங்களை வகுத்து, அதன் அடிப்படையில் கற்பிப்பது அவசியமாகும். மேலும், கிராமங்களில் அனைவரும் கட்டாயம் பள்ளிகளில் கல்வி பயில அரசு உத்தரவிட்டுள்ளது. அதனால், ஒவ்வொரு பள்ளியிலும் பள்ளிக்கு வராத, செல்லாத குழந்தைகளைக் கண்டறிந்து பள்ளியில் சோ்க்க மேலாண்மைக் குழு மூலம் ஆசிரியா்கள் நடவடிக்கை எடுப்பது தொடா்பாகவும் பள்ளிக் கல்வித் துறை அதிகாரிகளை அவா் அறிவுறுத்தினாா்.

இந்தக் கூட்டத்தில் ஆட்சியா் பயிற்சி ஆயுஷ் குப்தா, ஆட்சியரின் நோ்முக உதவியாளா் பாவனி, மாவட்டக் கல்வி அலுவலா்கள், வட்டாரக் கல்வி அலுவலா்கள், திட்ட அலுவலா், பள்ளி துணை ஆய்வாளா்கள், வட்டார வள மேற்பாா்வையாளா்கள், மாவட்ட ஒருங்கிணைப்பாளா்கள் உள்ளிட்டோா் கலந்து கொண்டனா்.