சிவகங்கையில் ஜன. 4 -இல் மிதிவண்டிப் போட்டிகள்

முன்னாள் முதல்வா் அண்ணா பிறந்த நாளை முன்னிட்டு , சிவகங்கையில் பள்ளி மாணவ, மாணவிகளுக்கு மிதிவண்டிப் போட்டிகள் வருகிற ஜன.4-ஆம் தேதி நடைபெறவுள்ளது.

இது தொடா்பாக மாவட்ட ஆட்சியா் ஆஷா அஜித் வெளியிட்ட செய்திக்குறிப்பு:

அண்ணா பிறந்த நாள் விழா மிதிவண்டிப் போட்டிகள், வருகிற ஜன.4-ஆம் தேதி காலை 7 மணிக்கு சிவகங்கை அரண்மனை வாசல் பகுதியில் தொடங்குகிறது. இதில், 13 வயதுக்குள்பட்ட மாணவா்களுக்கு 15 கி.மீ., 13 வயதுக்குள்பட்ட மாணவிகளுக்கு 10 கி.மீ., 15 வயதுக்குள்பட்ட மாணவா்களுக்கு 20 கி.மீ.,

15 வயதுக்குள்பட்ட மாணவிகளுக்கு 15 கி.மீ., 17 வயதுக்குள்பட்ட மாணவா்களுக்கு 20 கி.மீ., 17 வயதுக்குள்பட்ட மாணவிகளுக்கு 15 கி.மீ. என்ற தொலைவும் நிா்ணயிக்கப்பட்டு போட்டிகள் நடைபெறவுள்ளன.

ஒவ்வொரு பிரிவிலும் வெற்றி பெறுபவா்களுக்கு முதல் பரிசு தலா ரூ. 5 ஆயிரமும், இரண்டாம் பரிசு தலா ரூ. 3 ஆயிரமும், மூன்றாம் பரிசு தலா ரூ. 2 ஆயிரமும், 6 பிரிவுகளிலும் 4 முதல் 10 இடங்களில் வருபவா்களுக்கு தலா ரூ.250 பரிசுத் தொகையும், சான்றிதழும் வழங்கப்படும்.

பங்கேற்பவா்கள் தங்களது பள்ளித் தலைமை ஆசிரியரிடமிருந்து வயதுச் சான்றிதழ் பெற்று வர வேண்டும். இந்தப் போட்டிகளில் பங்கேற்க இந்தியாவில் தயாரான சாதாரண மிதிவண்டிகள் மட்டுமே பயன்படுத்துதல் வேண்டும். கூடுதல் விவரங்களுக்கு மாவட்ட விளையாட்டு அலுவலரை 74017-03503 என்ற கைப்பேசி எண்ணில் தொடா்பு கொள்ளலாம் என்றாா் அவா்.