`மஞ்சும்மல் பாய்ஸ்' இயக்குநர்! `ஆவேஷம்' இயக்குநர்! `தளபதி 69' தயாரிப்பாளர் - ஒன்றிணையும் கூட்டணி!

`மஞ்சும்மல் பாய்ஸ்' இயக்குநர் சிதம்பரம் தன்னுடைய அடுத்த திரைப்படத்திற்கான பணிகளை தொடங்கிவிட்டார்.

கடந்தாண்டு `மஞ்சும்மல்' பாய்ஸ் திரைப்படம் தமிழ், தெலுங்கு,மலையாளம் என அனைத்துப் பக்கங்களில் அதிரடியான ஹிட்டடித்தது.

இத்திரைப்படத்தின் அதிரடியான வெற்றிக்குப் பிறகு அவர் இயக்கும் அடுத்த திரைப்படத்தின் மீது அதிக எதிர்பார்ப்பையும் உருவாக்கியது. தற்போது தன்னுடைய அடுத்த திரைப்படத்திற்கான பணிகளில் இறங்கிவிட்டார், சிதம்பரம். இதுமட்டுமல்ல, கடந்தாண்டு ஃபகத் ஃபாசிலை வைத்து இயக்குநர் ஜித்து மாதவன் கொடுத்த `ஆவேஷம்' திரைப்படம் சூப்பர் டூப்பர் ஹிட்டடித்திருந்தது. ஜித்து மாதவன் எழுதும் கதையைதான் தற்போது சிதம்பரம் திரைப்படமாக்குகிறார். `ஆவேஷம்' திரைப்படத்தின் வெற்றியை தொடர்ந்து ஜித்து மாதவன் மோகன் லாலை வைத்து இயக்கப்போகிறார் என்றெல்லாம் தகவல்கள் வெளியானது. ஆனால், அது தொடர்பான அதிகாரப்பூர்வ அறிவிப்பு எதுவும் வெளியாகவில்லை.

வெங்கட் கே. நாராயணனின் கே.வி.என் நிறுவனம்தான் இத்திரைப்படத்தை தயாரிக்கவிருக்கிறது. தற்போது தமிழ், மலையாளம், கன்னடம் என பரபரப்பாக ஈடுப்பட்டுக் கொண்டிருக்கிறது இந்த நிறுவனம். தமிழில் விஜய்யின் 69-வது திரைப்படம். கன்னடத்தில் யஷ்ஷின் `டாக்‌சிக்' திரைப்படம், மலையாளத்தில் சிதம்பரம் இயக்கும் இத்திரைப்படம் என சுவராஸ்ய லைன் அப்களையும் அடுக்கி வைத்திருக்கிறது கே.வி.என்!

சிதம்பரம் இயக்கும் இத்திரைப்படத்திற்கு சுஷின் ஷியாம் இசையமைக்கவிருக்கிறார். கடந்தாண்டு சிறு இடைவெளி எடுத்துக் கொள்வதாக அறிவித்த அவர் இத்திரைப்படத்தின் மூலம் கம்பேக் கொடுக்கவிருக்கிறார்.

நீங்கள் விரும்பி படித்த தொடர்கள், இப்போது ஆடியோ வடிவில்... புத்தம் புதிய விகடன் ப்ளே... உங்கள் அன்றாட பணிகளை கவனித்துக் கொண்டே ரசித்து கேட்க, உடனே இன்ஸ்டால் செய்யுங்கள்...

https://bit.ly/ParthibanKanavuAudioBook