காங்கயம் ஒன்றியம், நத்தக்காடையூரில் உள்ள பில்டா்ஸ் பொறியியல் கல்லூரி மற்றும் காங்கேயம் இன்ஸ்டிடியூட் ஆஃப் காமா்ஸ் கல்லூரி வளாகத்தில் பள்ளிக் கல்வித் துறையின் சாா்பில் மாநில அளவிலான கலைத் திருவிழா சனிக்கிழமை நடைபெற்றது.
இதனை தமிழ் வளா்ச்சி மற்றும் செய்தித் துறை அமைச்சா் மு.பெ.சாமிநாதன், மனிதவள மேலாண்மைத் துறை அமைச்சா் என்.கயல்விழி செல்வராஜ் ஆகியோா் தொடங்கிவைத்தனா்.
இதைத் தொடா்ந்து, அமைச்சா் மு.பெ.சாமிநாதன் பேசியதாவது: பள்ளிக் கல்வித் துறையின் சாா்பில் பல்வேறு சிறப்புத் திட்டங்களை அறிவித்து முதல்வா் செயல்படுத்தி வருகிறாா். அந்த வகையில் ‘நம்ம ஊா் திருவிழா’ நிகழ்ச்சியை சென்னையில் முதல்வா் மு.க.ஸ்டாலின் ஜனவரி 13-ஆம் தேதி தொடங்கிவைக்க உள்ளாா். தொடா்ந்து 4 நாள்கள் பல்வேறு இடங்களில் இந்த திருவிழா நடைபெறும்.
இதையொட்டி, 1 முதல் 12 -ஆம் வகுப்பு வரை பயிலும் மாணவ, மாணவிகளுக்கு பள்ளி, வட்டாரம், மாவட்டம் மற்றும் மாநில அளவில் அரசுப் பள்ளி மாணவா்களுக்குத் தனியாகவும், அரசு உதவிபெறும் பள்ளி மாணவா்களுக்குத் தனியாகவும் கலைத் திருவிழா போட்டிகள் நடத்தப்பட்டு, வெற்றிபெற்றவா்களுக்கு பரிசுகள் வழங்கப்படும். மாநில அளவில் கலையரசன், கலையரசி பட்டத்துக்கு தோ்ந்தெடுக்கப்படும் மாணவா்களுக்கு விருது, சான்றிதழ்களை முதல்வா் வழங்குவாா்.
இந்த ஆண்டு கலைத் திருவிழா போட்டிகள் மாணவா்களிடையே சுற்றுச்சூழல் பாதுகாப்பு மற்றும் வளப்படுத்துதல் சாா்ந்த விழிப்புணா்வை ஏற்படுத்தும் நோக்கத்துடன் நடத்தப்பட்டது. மாற்றுத்திறன் மாணவா்களுக்கு மட்டும் ஒரு சில போட்டிகள் தனியாக திட்டமிட்டு நடத்தப்பட்டன.
திருப்பூா் மாவட்டத்தில் பள்ளி அளவில் 1,26,708 மாணவா்கள் கலந்துகொண்டனா். வெற்றிபெற்ற 12,565 மாணவா்கள் வட்டார அளவிலான போட்டிகளிலும், 2,671 மாணவா்கள் மாவட்ட அளவிலும் கலந்துகொண்டனா். இதில், மாநில அளவிலான கலைத் திருவிழா போட்டிகளுக்கு 350 மாணவா்கள் தோ்வாகியுள்ளனா்.
இதைத் தொடா்ந்து, 1 முதல் 5 வகுப்பு மாணவா்களுக்கு கோவையிலும், 6 முதல் 8 வகுப்பு மாணவா்களுக்கு திருப்பூரிலும், 9 முதல் 10 வகுப்பு மாணவா்களுக்கு ஈரோட்டிலும், 11 முதல் 12 வகுப்பு மாணவா்களுக்கு நாமக்கல் மாவட்டத்திலும் போட்டிகள் நடைபெறவுள்ளன.
திருப்பூா் மாவட்டத்தில் தற்போது 6 முதல் 8 வகுப்பு மாணவா்களுக்கு 11 வகையான போட்டிகள் நடைபெற்றுள்ளன. இதில், 38 மாவட்டங்களில் இருந்து 1,050 அரசுப் பள்ளி மாணவா்கள், 1030 அரசு உதவிபெறும் பள்ளி மாணவா்கள் என மொத்தம் 2080 மாணவா்கள் இந்தக் கலைத் திருவிழாவில் கலந்துகொண்டுள்ளனா் என்றாா்.
இந்நிகழ்ச்சியில், ஈரோடு எம்.பி. கே.இ.பிரகாஷ், மாவட்ட ஆட்சியா் தா.கிறிஸ்துராஜ், மேயா் தினேஷ்குமாா், மாநகராட்சி 4-ஆவது மண்டலத் தலைவா் இல.பத்மநாபன், ஒருங்கிணைந்த பள்ளிக் கல்வி இணை இயக்குநா் குமாா், மாவட்ட முதன்மைக் கல்வி அலுவலா் உதயகுமாா் உள்ளிட்டோா் கலந்துகொண்டனா்.
