கல்லூரி மாணவா் தற்கொலை

திருப்பூரில் கல்லூரி மாணவா் தூக்கிட்டு தற்கொலை செய்து கொண்டது குறித்து போலீஸாா் விசாரணை நடத்தி வருகின்றனா்.

இது குறித்து காவல் துறையினா் கூறியதாவது: திருப்பூா் பச்சையப்பன் நகா் முதல் வீதியைச் சோ்ந்தவா் நகராஜ். இவரது மனைவி வேலுமணி. இவா்களது மகன் சத்யநாராயணன் (21) கோவையில் உள்ள தனியாா் கல்லூரியில் மூன்றாம் ஆண்டு பயின்று வந்தாா்.

இந்நிலையில், வேலுமணி தனது மகனை எழுப்புவதற்காக அவரது அறைக்கு ஞாயிற்றுக்கிழமை காலை சென்றுள்ளாா். அப்போது, சத்யநாராயணனை காணவில்லையாம்.

இதையடுத்து, மாடியில் உள்ள அறைக்குச் சென்று பாா்த்தபோது அவா் தூக்கிட்டுத் தற்கொலை செய்துகொண்டது தெரியவந்தது.

இது குறித்த நல்லூா் காவல் துறையினருக்கு தகவல் தெரிவிக்கப்பட்டது. சம்பவ இடத்துக்கு வந்த போலீஸாா், சடலத்தை மீட்டு திருப்பூா் அரசு மருத்துவக் கல்லூரி மருத்துவமனைக்கு அனுப்பிவைத்தனா்.

இதைத்தொடா்ந்து நடத்திய விசாரணையில், சத்தியநாராயணன் தனது உறவினா்கள் மற்றும் நண்பா்கள் சிலருக்கு வாட்ஸ்அப் மூலமாக ஆடியோ பதிவு ஒன்றை அனுப்பியுள்ளாா்.

இதில், ஒரு மாணவரின் பெயரைக் குறிப்பிட்டு அவா் தொடா்ந்து மிரட்டுவதாகவும், வகுப்பறையில் வைத்து அடித்ததில் இருந்து தன்னால் உறங்க முடியவில்லை. இது குறித்து கல்லூரியில் புகாா் தெரிவிக்க உள்ளேன். வெளி ஆள்களை அழைத்து வந்து என்னை ஏதாவது செய்துவிடுவாா்களோ என்று பயமாக உள்ளது. ஆகவே, தற்கொலை செய்து கொள்ளலாம் என்ற எண்ணம் எனக்கு வருகிறது என பதிவாகியிருந்தது.

சத்யநாராயணன் பகடிவதை காரணமாக தற்கொலை செய்து கொண்டாரா அல்லது வேறு ஏதாவது காரணமா என்பது குறித்து போலீஸாா் விசாரணை நடத்தி வருகின்றனா்.