கட்டுமானத் தொழிலாளா்களுக்கு இஎஸ்ஐ திட்டத்தை ஏற்படுத்திக் கொடுக்க வேண்டும்!

தமிழகத்தில் கட்டுமானத் தொழிலாளா்களுக்கு இ.எஸ்.ஐ.திட்டத்தை ஏற்படுத்திக் கொடுக்க வேண்டும் என கோரிக்கை விடுக்கப்பட்டுள்ளது. ஏஐடியூசி கட்டடத் தொழிலாளா் சங்க மாவட்ட மாநாடு ஞாயிற்றுக்கிழமை நடைபெற்றது.

இந்த மாநாட்டுக்கு மாவட்டத் தலைவா் ஏ.கே.பழனிசாமி தலைமை வகித்தாா். இதில், நிறைவேற்றப்பட்ட தீா்மானங்கள்:

கட்டட கட்டுமானத் தொழிலாளா் நல வாரியத்தில் பதிவு செய்து 3 ஆண்டுகள் நிறைவடைந்த சொந்த வீடு இல்லாத தொழிலாளா்களுக்கு இடம் இருந்தால் வீடு கட்டுவதற்கு ரூ.4 லட்சமும், இடம் இல்லாதவா்களுக்கு அடுக்கு மாடி குடியிருப்பில் வீடு வழங்கப்படும் என்றும் தமிழக அரசுஅறிவித்துள்ளது.

திருப்பூா் மாவட்டத்தில் வீடு கட்டுவதற்கு பணம் கேட்டும், வீடு கேட்டும் விண்ணப்பித்தவா்களுக்கு பல காரணங்களைக்கூறி பலன்கள் வழங்குவதை காலம் கடத்தி வருகின்றனா். ஆகவே, தமிழக அரசும், தொழிலாளா் நல வாரியமும் உரிய நடவடிக்கை எடுக்க வேண்டும்.

கட்டுமானத் தொழிலாளா்களுக்கு முழுமையான முறையில் மருத்துவ வசதி கிடைக்கும் வகையில் இ.எஸ்.ஐ. திட்டத்தை ஏற்படுத்திக் கொடுக்க வேண்டும். கட்டுமானத் தொழிலாளா்கள் மாவட்டத்தின் பல இடங்களில் காலையில் ஒரு இடத்தில் திரண்டு அங்கிருந்து பல்வேறு பகுதிகளுக்கு வேலைக்கு அழைத்துச் செல்லப்படுகின்றனா்.

ஆகவே, தொழிலாளா்கள் கூடும் இடங்களில் நிழற்குடை கழிப்பிட வசதி, குடிநீா் வசதி உள்ளிட்டவற்றை செய்து கொடுக்க வேண்டும். கட்டுமானப் பொருள்களின் விலை மிகக் கடுமையாக உயா்ந்துள்ளதால் கட்டடத் தொழில் பெரிதும் பாதிப்புக்குள்ளாகியுள்ளது. இதனால், தொழிலாளா்களுக்கு வேலையிழப்பு ஏற்பட்டுள்ளது.

ஆகவே, கட்டுமானத் தொழிலாளா்களுக்கு தை பொங்கல் பண்டிகையை முன்னிட்டு வாரியத்தின் மூலமாக ரூ.5 ஆயிரம் வழங்க வேண்டும். கட்டுமானத் தொழிலாளா்கள் நல வாரியத்தின் மூலம் விண்ணப்பிக்கும் விபத்து மரணம், இயற்கை மரணம், திருமணம் உள்ளிட்ட கேட்பு மனுக்களுக்கு காலம் கடத்தாமல் பணப் பலன்களை வழங்க வேண்டும் என்பன உள்ளிட்ட பல்வேறு தீா்மானங்கள் நிறைவேற்றப்பட்டன.

இதைத் தொடா்ந்து, புதிய மாவட்டத் தலைவராக கே.மூா்த்தி, மாவட்டச் செயலாளராக ஆா்.கணேசன், துணைத் தலைவா்களாக சிவகுமாா், பாரூக், ராமசாமி, பொருளாளராக ஏ.பழனிசாமி உள்ளிட்டோா் தோ்வு செய்யப்பட்டனா். மாநிலச் செயலாளா்கள் எஸ்.சின்னசாமி, என்.சேகா், மாவட்ட பொதுச் செயலாளா் பி.ஆா்.நடராஜன் உள்ளிட்டோா் கலந்துகொண்டனா்.