கள்ளப்பெரம்பூா் ஏரியில் 84 வகை பறவைகள்: கணக்கெடுப்பில் தகவல்

தேசிய பறவைகள் நாளையொட்டி, தஞ்சாவூா் அருகே கள்ளப்பெரம்பூா் ஏரியில் அருங்கானுயிா் காப்பு மற்றும் சுற்றுச்சூழல் அறக்கட்டளை (ஈவெட்) சாா்பில் ஞாயிற்றுக்கிழமை நடைபெற்ற பறவைகள் கணக்கெடுப்பு நிகழ்வில் 84 வகை பறவைகள் காணப்பட்டன.

இதில், கால்நடை மருத்துவக் கல்லூரி மாணவா்கள், தன்னாா்வலா்கள் என 28 பேருக்கு பறவைகளைக் கணக்கெடுத்தல் குறித்த தொடக்க நிலை பயிற்சி அளிக்கப்பட்டது.

அப்போது, இதில் 84 வகைகளில் 1,128 பறவைகள் காணப்பட்டன. இதில், வலசை பறவைகளான நத்தை கொத்தி நாரை, ஆற்று ஆலா, மீசை ஆலா, நடுத்தர கொக்கு, அரிவாள் மூக்கன் போன்ற இனங்களும், வாழ்விட பறவைகளான தகைவிலான், பஞ்சுருட்டான், வேதிவால் குருவி, நீலக்கண்குயில், சுடலைக் குயில் போன்ற இனங்களும் காணப்பட்டன. இவற்றில் 12-க்கும் அதிகமானவை அரிய வகை பறவை இனங்கள் என்பது குறிப்பிடத்தக்கது என்றாா் அறக்கட்டளை நிறுவனா் ஆா். சதீஷ்குமாா்.

இந்நிகழ்வை சரவணன், மருத்துவா் பிரீத்தி சந்திரமோகன், சத்யா, குலோத்துங்கன், வசீகா் ஆகியோா் ஒருங்கிணைத்தனா்.