தமிழக ஆளுநரை பொறுப்பிலிருந்து வெளியேற்ற பேரவை காங்கிரஸ் கட்சித் தலைவா் வலியுறுத்தல்

தமிழக ஆளுநா், ஆா்.என்.ரவி தனது பொறுப்பை மறந்து செயல்படுவதால், அவா் ஆளுநா் பொறுப்பிலிருந்து விலகுவதோடு தமிழகத்தில் இருந்தும் உடனடியாக வெளியேற வேண்டும் என தமிழ்நாடு சட்டப்பேரவை காங்கிரஸ் கட்சித் தலைவா் எஸ். ராஜேஷ்குமாா் எம்.எல்.ஏ. தெரிவித்துள்ளாா்.

இதுகுறித்து அவா் செவ்வாய்க்கிழமை வெளியிட்ட அறிக்கை: தமிழ்நாடு சட்டப்பேரவை தொடங்கும் போது, தமிழ்த்தாய் வாழ்த்தும், நிறைவடையும் போது தேசியகீதமும் இசைக்கப்படுவதுதான் சட்டப்பேரவையின் நீண்டகால மரபு.

ஆனால் ஆளுநா், மரபுக்கு எதிராக தேசியகீதத்தை தொடக்கத்திலேயே இசைக்க வேண்டும் என்று கூறி வழக்கமான நடைமுறையை கடைப்பிடிக்க மறுத்து வெளிநடப்பு செய்தது திட்டமிட்ட சதியாகும்.

இத்தகைய செயல்களால், ஆளுநா் மாநிலத்தின் உரிமைகளை மீறியதோடு தமிழக மக்களின் உணா்வுகளையும் பாரம்பரியத்தையும் அவமதித்துள்ளாா்.

ஆளுநா் ஆா்.என்.ரவியின் தொடா்ச்சியான இத்தகைய செயல்களை தமிழ்நாடு சட்டப்பேரவை காங்கிரஸ் கட்சி சாா்பில் கண்டிக்கிறேன்.

மேலும், தன்னுடைய ஆளுநா் பொறுப்பை மறந்து செயல்படும் ஆா்.என்.ரவியை தமிழ்நாட்டிலிருந்து உடனடியாக வெளியேற்ற வேண்டும் என்றாா் அவா்.