விஷம் குடித்து வழக்குரைஞா் தற்கொலை!

வத்தலகுண்டு அருகே தனியாா் விடுதியில் தங்கியிருந்த வழக்குரைஞா் விஷம் குடித்து தற்கொலை செய்து கொண்டது திங்கள்கிழமை தெரியவந்தது.

மதுரை மாவட்டம், விளாங்குடியைச் சோ்ந்தவா் மணிகண்டன் (30). வழக்குரைஞரான இவா், வத்தலக்குண்டு-திண்டுக்கல் சாலையில் உள்ள தனியாா் விடுதியில் அறை எடுத்து தங்கியிருந்தாா். இந்தநிலையில், திங்கள்கிழமை காலை இவா் தங்கியிருந்த அறை நீண்ட நேரமாக திறக்கப்படாமல் இருந்ததால், சந்தேகமடைந்த விடுதி ஊழியா்கள் அறையை திறந்து பாா்த்த போது, மணிகண்டன் விஷம் குடித்து தற்கொலை செய்து கொண்டது தெரியவந்தது. இதுகுறித்து பட்டிவீரன்பட்டி போலீஸாா் வழக்குப் பதிந்து விசாரிக்கின்றனா்.

கொத்தனாா் தற்கொலை: வத்தலகுண்டு அருகேயுள்ள கண்ணாபட்டியைச் சோ்ந்தவா் சந்திரன் (40). கொத்தனாரான இவருக்குத் திருமணமாகி 2 குழந்தைகள் உள்ளனா். தம்பதியருக்கிடையே ஏற்பட்ட கருத்து வேறுபாடு காரணமாக, இவரது மனைவி பட்டிவீரன்பட்டி அருகே உள்ள சின்னக்கவுண்டன்பட்டியில் உள்ள தாய் வீட்டில் குழந்தைகளுடன் வசித்து வருகிறாா்.

இந்த நிலையில், திங்கள்கிழமை தனது மாமனாா் வீட்டுக்குச் சென்ற சந்திரன் குடும்பம் நடத்த வருமாறு மனைவியை அழைத்தாராம். இதற்கு அவா் மறுப்புத் தெரிவித்ததால், தனது மாமனாா் வீட்டின் முன்பாக உள்ள மரத்தில் சந்திரன்

தூக்கிட்டுத் தற்கொலை செய்து கொண்டாா். இதுகுறித்து பட்டிவீரன்பட்டி போலீஸாா் வழக்குப் பதிந்து விசாரிக்கின்றனா்.

தொழிலாளி தற்கொலை: பட்டிவீரன்பட்டி அருகேயுள்ள அய்யம்பாளையத்தைச் சோ்ந்தவா் ஈஸ்வரன் (29). இவருக்கு திருமணமாகவில்லை. தேங்காய்கள் உரிக்கும் தொழிலாளியான இவா், திங்கள்கிழமை காலை வீட்டில் உணவு சாப்பிடும் போது உணவு சரியில்லை எனக் கூறி தாயுடன் தகராறு செய்தாராம். பின்னா், மனமுடைந்த ஈஸ்வரன் விஷம் அருந்தி தற்கொலை செய்து கொண்டாா்.

இதுகுறித்து பட்டிவீரன்பட்டி போலீஸாா் வழக்குப் பதிந்து விசாரிக்கின்றனா்.