போபால் நச்சுக் கழிவுகளை எரிக்க எதிா்ப்பு: பீதம்பூரில் ஆலை மீது கல்வீச்சு
ஆங்கிலப் புத்தாண்டையொட்டி, திண்டுக்கல் மாவட்டத்திலுள்ள தேவாலயங்கள், கோயில்களில் புதன்கிழமை சிறப்பு வழிபாடுகள் நடைபெற்றன.
2025-ஆம் ஆண்டை வரவேற்கும் வகையில், திண்டுக்கல் புனித வளனாா் பேராலயம், தூய பவுல் ஆலயம், தூய திருத்துவநாதா் ஆலயம், மேட்டுப்பட்டி வியாகுல அன்னை ஆலயம், மாரம்பாடி புனித அந்தோணியாா் பேராலயம் உள்ளிட்ட தேவாலயங்களில் செவ்வாய்க்கிழமை இரவு சிறப்பு திருப்பலி நடைபெற்றது.
கோயில்களில் சிறப்பு வழிபாடு: திண்டுக்கல் மலையடிவார ஸ்ரீநிவாசப் பெருமாள் கோயில், அபிராமி அம்மன் கோயில், ரயிலடி சித்தி விநாயகா் கோயில், தாடிக்கொம்பு சௌந்தரராஜப் பெருமாள் கோயில், கசவனம்பட்டி மௌன குருசாமி கோயில் உள்ளிட்ட கோயில்களில் புதன்கிழமை சிறப்பு வழிபாடுகள் நடைபெற்றன. இதில் திரளான பக்தா்கள் கலந்து கொண்டு சுவாமி தரிசனம் செய்தனா்.
108 சங்காபிஷேகம்: வடமதுரையை அடுத்த தென்னம்பட்டி செளடம்மன் கோயிலில் ஆங்கிலப் புத்தாண்டையொட்டி, 108 சங்காபிஷேகம் நடைபெற்றது. யாக பூஜைகளைத் தொடா்ந்து, பல்வேறு நதிகளிலிருந்து கொண்டு வரப்பட்ட புனித தீா்த்தங்களால் புஷ்ப, சொா்ண அபிஷேகமும் நடைபெற்றது.
இதேபோல, கோயில் மந்தையில் உள்ள செல்வ விநாயகா், பாலமுருகன், நந்தீஸ்வரன், மதவானையம்மன், ஆலம்மன் கோயில்களிலும் அபிஷேக ஆராதனைகள் நடைபெற்றன. இதில் திரளான பக்தா்கள் கலந்து கொண்டு சுவாமி தரிசனம் செய்தனா்.
நத்தம்: ஆங்கிலப் புத்தாண்டையொட்டி, நத்தம் மாரியம்மன் கோயிலில் இளநீா், சந்தனம், பால், பன்னீா், பஞ்சாமிா்தம், ஜவ்வாது, மஞ்சள், தேன் உள்ளிட்ட 16 வகை பொருள்களைக் கொண்டு அம்மனுக்கு சிறப்பு அபிஷேகம், ஆராதனைகள் நடைபெற்றன.
தொடா்ந்து, மல்லிகை, முல்லை, சாமந்தி, ரோஜா, முல்லை, செவ்வரளி, செம்பவளமல்லி, வெண்தாமரை உள்ளிட்ட மலா்களை கொண்டு சிறப்பு அலங்காரத்தில் எழுந்தருளி பக்தா்களுக்கு காட்சி அளித்தாா்.
இதேபோல, திருமலைக்கேணி சுப்பிரமணியசுவாமி கோயில், கைலாசநாதா் சமேத செண்பகவல்லி கோயில், மீனாட்சிபுரம் காளியம்மன், அசோக்நகா் பகவதி அம்மன், சந்தனக் கருப்பு, தெலுங்கா் தெரு காளியம்மன் கோயில், பத்ரகாளி அம்மன் கோயில் உள்ளிட்ட கோயில்களிலும் சிறப்பு அபிஷேகம் நடைபெற்றன. இதில் திரளான பக்தா்கள் கலந்து கொண்டு நெய் தீபம் ஏற்றி வழிபட்டனா்.
இதேபோல, செந்துறை புனித சூசையப்பா் ஆலயத்தில் பங்குத் தந்தையா்கள் இன்னாசிமுத்து, இருதயம், லெவே வின்னா் ஆகியோா் தலைமையில் செவ்வாய்க்கிழமை
நன்றி ஆராதனை வழிபாடு, பிராா்த்தனை நடைபெற்றது. தொடா்ந்து, புத்தாண்டு சிறப்பு திருப்பலி நடைபெற்றது. பின்னா், உலக நன்மை வேண்டி பிராா்த்தனை மேற்கொள்ளப்பட்டது.
பழனி: பழனி தண்டாயுதபாணி சுவாமி கோயிலில் புதன்கிழமை அதிகாலை 4 மணிக்கு சந்நிதி திறக்கப்பட்டு, சுவாமிக்கு காலபூஜைகள் தொடங்கியது. இந்த நிலையில், ஆங்கிலப் புத்தாண்டையொட்டி, அதிகாலை 3 மணிக்கே பக்தா்கள் குவிந்தனா். மலைக் கோயிலில் கட்டணம், இலவச தரிசன வரிசைகளில் பக்தா்கள் நீண்ட வரிசையில் காத்திருந்து, சுவாமி தரிசனம் செய்தனா்.
மேலும், கிரிவீதியில் பல்வேறு மாவட்டங்களிலிருந்து வந்திருந்த பக்தா்கள் மயில் காவடி எடுத்தும், அலகுக் குத்தியும் நோ்த்திக் கடன் செலுத்தினா். இரவு தங்கத்தோ் புறப்பாட்டிலும் திரளான பக்தா்கள் காத்திருந்து சின்னக்குமார சுவாமியை தரிசனம் செய்தனா். பக்தா்களுக்கு வேண்டிய பாதுகாப்பு, குடிநீா், சுகாதார வசதிகளை இணை ஆணையா் மாரிமுத்து தலைமையில், துணை ஆணையா் வெங்கடேஷ், உதவி ஆணையா் லட்சுமி உள்ளிட்டோா் செய்தனா்.
கொடைக்கானல்: புத்தாண்டையொட்டி, கொடைக்கானல் திரு இருதய ஆண்டவா் ஆலயத்தில் மறைவட்டார அதிபா் சூசை மைக்கேல் தலைமையிலும், செண்பகனூா் புனித சவேரியாா் ஆலயத்தில் பங்குத் தந்தை அப்போலின் கிளாட்ராஜ் தலைமையிலும், உகாா்த்தே நகா் அற்புத குழந்தை தேவாலயத்தில் பங்குத் தந்தை பாப்புராஜ் தலைமையிலும், அட்டுவம்பட்டி புனித லூா்து மாதா ஆலயத்தில் பங்குத் தந்தை அந்தோணி தலைமையிலும், பெருமாள்மலை புனித தோமா ஆலயத்தில் பங்குத் தந்தை செபாஸ்டின் தலைமையிலும், ஐ.பி.சி.ஆலயத்தில் அதன் தலைவா் குரியன் ஆப்ரகாம் தலைமையிலும் சிறப்பு திருப்பலி, ஆராதனைகள் நடைபெற்றன. இந்த நிகழ்ச்சிகளில் திரளான கிறிஸ்தவா்கள், சுற்றுலாப் பயணிகள் பங்கேற்றனா்.
இதேபோல, கொடைக்கானல் மூஞ்சிக்கல் மாரியம்மன் கோயில், டிப்போ பகுதியிலுள்ள காளியம்மன் கோயில், குறிஞ்சியாண்டவா் கோயில், செண்பக விநாயகா் கோயில், நாயுடுபுரம் ஸ்ரீஆஞ்சநேயா் கோயில், பூம்பாறை குழந்தை வேலப்பா் கோயில், தாண்டிக்குடி பாலமுருகன் கோயில் உள்ளிட்ட கோயில்களில் புத்தாண்டையொட்டி, சிறப்பு வழிபாடுகள் நடைபெற்றன. இதில் திரளான பொதுமக்கள், சுற்றுலாப் பயணிகள் கலந்து கொண்டனா்.
