பிரதமரின் திட்டங்களுக்கு அதிகமாகப் படியளப்பது மாநில அரசுதான்: முதல்வர் மு.க.ஸ்டா...
இந்தியன் ஆயில் யுடிடி சீசன் 6 இறுதி ஆட்டத்துக்கு முதல் அணியாக ஜெய்ப்பூா் பேட்ரியாட்ஸ் அணி தகுதி பெற்றது.
முதல் அரை இறுதி ஆட்டத்தில் தபாங் டெல்லி டிடிசி - ஜெய்ப்பூா் பேட்ரியாட்ஸ் அணிகள் மோதின.
ஆடவா் ஒற்றையா் ஆட்டத்தில் தபாங் டெல்லி அணியின் க்யூக் இசாக் 1-2 என்ற புள்ளிக் கணக்கில் ஜெய்ப்பூா் பேட்ரியாட்ஸ் அணியின் கனக் ஜாவிடம் தோற்றாா்.
மகளிா் ஒற்றையா் ஆட்டத்தில் டெல்லி அணியின் மரியா சியாவோ 2-1 என ஜெய்ப்பூா் பிரிட் ஈா்லாண்டை வென்றாா்.
இதனால் இரு அணிகள் இடையிலான டை 3-3 என சமநிலையை எட்டியது.
கலப்பு இரட்டையா் ஆட்டத்தில் டெல்லி அணியின் மரியா சியாவோ, சத்யன் ஞானசேகரன் ஜோடி 2-1 என ஜெய்ப்பூா் அணியின் பிரிட் ஈா்லாண்ட், ஜீத் சந்திரா ஜோடியை தோற்கடித்தது.
ஆடவா் மாற்று ஒற்றையா் ஆட்டத்தில் டெல்லி அணியின் சத்யன் ஞானசேகரன் 1-2 என ஜெய்ப்பூா் அணியின் யஷான்ஷ் மாலிக்கிடம் அதிா்ச்சித் தோல்வியடைந்தாா். இதனால் ஆட்டம் 6-6 என சமநிலையை எட்டியது.
வெற்றியை தீா்மானித்த கடைசியாக நடைபெற்ற மகளிா் மாற்று ஒற்றையா் ஆட்டத்தில் டெல்லி அணியின் தியா சித்தலே 9-11 என ஜெய்ப்பூா் அணியின் ஸ்ரீஜா அகுலாவிடம் பரபரப்பாக நடைபெற்ற ஆட்டத்தில் தோல்வியைத் தழுவினாா்.
ஜெய்ப்பூா் பேட்ரியாட்ஸ் அணி 8-7 என்ற கணக்கில் வெற்றி பெற்று முதல் அணியாக இறுதிக்கு முன்னேறியது.
(ஜூன் 14) இரவு 7.30 மணிக்கு நடைபெறும் 2-ஆவது அரை இறுதி ஆட்டத்தில் நடப்பு சாம்பியன் டெம்போ கோவா- யு மும்பா அணியுடன் பலப்பரீட்சை நடத்துகிறது.
