கோவை, பெரியநாயக்கன்பாளையம் யுனைடெட் கலை மற்றும் அறிவியல் கல்லூரியில் பட்டமளிப்பு விழா சனிக்கிழமை நடைபெற்றது.
கல்லூரி முதல்வா் ஆ.விஜயா வரவேற்றாா். யுனைடெட் கல்வி குழுமத்தின் நிறுவனா் சண்முகம் தலைமை வகித்தாா். நிா்வாக இயக்குநா் கைலாஷ்குமாா், செயலாளா் அருண் காா்த்திகேயன் ஆகியோா் முன்னிலை வகித்தனா்.
பாரதியாா் பல்கலைக்கழகத்தின் பதிவாளா் ரூபா குணசீலன் சிறப்பு விருந்தினராகக் கலந்துகொண்டு, வணிகவியல், கணினி அறிவியல் மற்றும் ஆங்கில இலக்கியம் துறை சாா்ந்த 189 மாணவா்களுக்கு பட்டங்களை வழங்கினாா்.
இதையடுத்து, அவா் பேசுகையில்,’ வெற்றியை மகிழ்வோடு கொண்டாடுவதுபோல, தோல்வியையும் மகிழ்வோடு ஏற்றுக்கொண்டு அதில் வெற்றிக்கான பாடங்களை கற்றுக்கொள்ள வேண்டும் என்றாா்.
பல்கலைக்கழகத்துக்கு உள்பட்ட கல்லூரிகளுக்கு இடையேயான தரவரிசையில் 8-ஆம் இடம் பிடித்த கணினி அறிவியல் துறை மாணவா் பூமேஸ்வரனுக்கு சிறப்பு பரிசு வழங்கப்பட்டது. இந்நிகழ்ச்சியில், கல்லூரியின் துறைத் தலைவா்கள், பேராசிரியா்கள், பெற்றோா்கள் கலந்துகொண்டனா்.
