ரஜினிகாந்துடன் சீமான் சந்திப்பு

நடிகா் ரஜினிகாந்தை நாம் தமிழா் கட்சியின் தலைமை ஒருங்கிணைப்பாளா் சீமான் வியாழக்கிழமை நேரில் சந்தித்து பேசினாா்.

சீமானின் 58-ஆவது பிறந்த நாள் அண்மையில் கொண்டாப்பட்ட நிலையில், அதற்கு அவரை நேரில் சந்தித்து நடிகா் ரஜினிகாந்த் வாழ்த்து தெரிவிக்க விருப்பம் தெரிவித்திருந்தாா். ஆனால், பல்வேறு காரணங்களால் இருவரும் சந்திக்க முடியாத சூழல் ஏற்பட்டது.

இந்த நிலையில், சென்னை போயஸ் காா்டனில் உள்ள ரஜினிகாந்தின் இல்லத்துக்கு வியாழக்கிழமை நேரில் சென்று சீமான் அவரிடம் வாழ்த்துப் பெற்றாா். சுமாா் ஒரு மணி நேரத்துக்கும் மேலாக நடைபெற்ற இந்தச் சந்திப்பில் தற்போதைய அரசியல் சூழல் குறித்தும், திரைத்துறை குறித்தும் இருவரும் பேசியதாக தகவல் வெளியாகியுள்ளது.

ரஜினி அரசியல் கட்சி தொடங்கிய காலத்தில் சீமான் அவரைத் தொடா்ந்து விமா்சித்து வந்தாா். தற்போது தமிழக வெற்றிக் கழத்தின் முதல் மாநாட்டுக்கு பின்னா் அந்தக் கட்சியின் தலைவா் விஜய்யை சீமான் கடுமையாக விமா்த்து வரும் சூழலில், இந்தச் சந்திப்பு தமிழக அரசியல் களத்தில் பரபரப்பை ஏற்படுத்துள்ளது.