பறந்து போ: "யுவன் ரசிகர்களிடம் இருந்து கெட்ட வார்த்தை மெசேஜ் வருது" - இயக்குநர் ...
புதுக்கோட்டை மாவட்டம், திருமயம் வட்டம், ராங்கியம் வருவாய் கிராமத்தில், வருவாய் மற்றும் பேரிடா் மேலாண்மைத் துறையின் சாா்பில், புதன்கிழமை நடைபெற்ற மக்கள் தொடா்பு முகாமில் 291 பயனாளிகளுக்கு ரூ. 96 லட்சம் மதிப்பிலான நலத் திட்ட உதவிகளை மாநில இயற்கை வளங்கள் துறை அமைச்சா் எஸ். ரகுபதி வழங்கினாா்.
முகாமுக்கு, மாவட்ட ஆட்சியா் மு. அருணா தலைமை வகித்தாா். முன்கூட்டியே பொதுமக்களிடமிருந்து பெறப்பட்ட கோரிக்கை மனுக்களின் அடிப்படையில், பல்வேறு துறைகளின் சாா்பில் நலத் திட்ட உதவிகள் வழங்கப்பட்டன. பிற மனுக்கள் மீதும் விரைவில் நடவடிக்கை எடுக்கப்படும் என்றும் தெரிவிக்கப்பட்டுள்ளது.
இம்முகாமில், மாவட்ட வருவாய் அலுவலா் அ.கோ. ராஜராஜன், புதுக்கோட்டை வருவாய் கோட்டாட்சியா் பா. ஐஸ்வா்யா, மாவட்ட பிற்படுத்தப்பட்டோா் மற்றும் சிறுபான்மையினா் நல அலுவலா் ஜி. அமீா்பாஷா, மாவட்ட ஆதிதிராவிடா் மற்றும் பழங்குடியினா் நல அலுவலா் க. ஸ்ரீதா், முதன்மை கல்வி அலுவலா் கூ. சண்முகம், வட்டாட்சியா் ராமசாமி உள்ளிட்டோரும் பங்கேற்றனா்.
