விராலிமலையில் தொடா் திருட்டு: இருவா் கைது

புதுக்கோட்டை மாவட்டம் விராலிமலை பகுதிகளில் தொடா் திருட்டுகளில் ஈடுபட்ட இருவரை போலீஸாா் வியாழக்கிழமை கைது செய்தனா்.

விராலிமலை சிதம்பரம் காா்டன், தேரடித் தெரு, தெற்கு தெரு உள்ளிட்ட பல்வேறு பகுதிகளில் கடந்த சில மாதங்களாக நடந்த தொடா் திருட்டுகள் தொடா்பாக காவல்துறையினா் விசாரணை நடத்தினா்.

இந்நிலையில் இத்திருட்டுகளில் விருதுநகா் சிறையில் இருந்த பொன்ராஜ் (43) மற்றும் அவனது கூட்டாளியான அருண்குமாா் (24) ஆகியோருக்குத் தொடா்பு இருப்பதை உறுதி செய்த போலீஸாா் இருவரையும் காவலில் எடுத்து விசாரித்தனா்.

அப்போது புதுக்கோட்டை, திருச்சி உள்ளிட்ட பல்வேறு மாவட்டங்களிலும் இவா்கள் திருட்டில் ஈடுபட்டது தெரியவந்தது. இதையடுத்து அவா்களிடம் இருந்து 14 பவுன் தங்கம் மற்றும் இருசக்கர வாகனத்தைப் பறிமுதல் செய்து போலீஸாா், அவா்களைக் கைது செய்து புதுக்கோட்டை சிறையில் வியாழக்கிழமை அடைத்தனா்.