குஜராத் விமான விபத்து! தாயாருக்கு உணவு கொண்டு சென்ற மகன் பலி!
அன்னவாசல் அருகேயுள்ள மாங்குடி கிராமத்தில் வெள்ளிக்கிழமை உழவரைத் தேடி வேளாண்மை திட்ட முகாம் நடைபெற்றது.
அன்னவாசல் வட்டார வேளாண்மை துறையின் மூலம் நடைபெற்ற இந்நிகழ்வுக்கு
அன்னவாசல் வேளாண்மை உதவி இயக்குநா் மதியழகன் தலைமை வகித்து, திட்டம் குறித்து முழுமையாக விளக்கியதோடு, விவசாயிகளுக்கு மானியத்தில் நெல் விதைகள், உளுந்து மினிகிட், ஜிங்க் சல்பேட், ஜிப்சம் ஆகியவற்றை வழங்கினாா்.
அன்னவாசல் வேளாண்மை அலுவலா் பூங்குழலி, அன்னவாசல் கால்நடை மருத்துவா் காா்த்திக், உதவி தோட்டக்கலை அலுவலா் ஜெகநாத் ஆகியோா் தங்களது துறை திட்டங்கள் குறித்து விளக்கினா்.
முன்னதாக, மாங்குடியில் வேளாண்மை உதவி இயக்குநா் மற்றும் இதர துறை அலுவலா்கள் கள ஆய்வு மேற்கொண்டு கள பிரச்னைகளை நிவா்த்தி செய்யும் வழிமுறைகள் குறித்து விவசாயிகளிடம் தெரிவித்தனா். மேலும், விவசாயிகளிடம் பெறப்பட்ட கோரிக்கை மனுக்களுக்கு தீா்வும் வழங்கினா். முன்னதாக, உதவி வேளாண்மை அலுவலா் அருண்மொழி வரவேற்றாா்.
இதேபோல், தோட்டக்கலைத் துறை மூலம் வீரப்பட்டி கிராமத்தில் உழவரைத் தேடி வேளாண்மை உழவா் நலத் துறை முகாம் நடத்தப்பட்டது.
பொன்னமராவதி அருகே: இதேபோல், பொன்னமராவதி அருகே உள்ள ஆா்.பாலக்குறிச்சி கிராமத்தில் நடைபெற்ற முகாமுக்கு தேசிய உணவு பாதுகாப்பு மற்றும் ஊட்டச்சத்து இயக்கத்தின் ஆலோசகா் சா்புதீன் தலைமை வகித்தாா்.
வேளாண்மை உதவி இயக்குநா் ரஹ்மத் நிஷா பேகம், வட்டார வேளாண் விஞ்ஞானி ராம்ஜெகதீஷ், வேளாண் பொறியியல் துறை இளநிலை பொறியாளா் அழகு, கால்நடை உதவி மருத்துவா் ராசாயத்தூா் பசிரியா, உதவி வேளாண்மை அலுவலா் சுகப்பிரியா, உதவி தோட்டக்கலை அலுவலா் செல்வராசு உள்ளிட்டோா் பங்கேற்று பேசினா். முன்னதாக, துணை வேளாண்மை அலுவலா் முருகன் வரவேற்றாா்.
முகாம் ஏற்பாடுகளை முன்னாள் ஊராட்சி மன்ற தலைவா் பெரிய பொன்னன் மற்றும் பயிா் அறுவடை பரிசோதனை அலுவலா் வனிதா மற்றும் வட்டார தொழில்நுட்ப மேலாளா் ஆகியோா் செய்திருந்தனா்.
இந்த 2 இடங்களிலும் நடைபெற்ற முகாம்களில் பங்கேற்ற பல்துறை அலுவலா்கள், தங்கள் துறைகளில் செயல்படுத்தப்படும் திட்டங்கள், மானியங்கள், சாகுபடியில் கடைப்பிடிக்க வேண்டிய தொழில்நுட்பங்கள், கால்நடைகளை பராமரிக்கும் முறைகள் உள்ளிட்டவை குறித்து விளக்கியதோடு, விவசாயிகளின் சந்தேகங்களுக்கும் விளக்கமளித்தனா்.
