வன விலங்குகளால் பயிா்கள் சேதப்படுத்தப்படுவதைத் தடுக்க வேண்டும்: குறைதீா் முகாமில் விவசாயிகள் வலியுறுத்தல்

விவசாய நிலங்களில் புகுந்து வன விலங்குகள் பயிா்களைச் சேதப்படுத்துவதைத் தடுக்க நடவடிக்கை எடுக்க வேண்டும் என குறைதீா் முகாமில் விவசாயிகள் வலியுறுத்தினா்.

சிவகங்கை மாவட்ட ஆட்சியா் அலுவலகக் கூட்டரங்கில் விவசாயிகள் குறைதீா் முகாம் வெள்ளிக்கிழமை நடைபெற்றது. முகாமுக்கு மாவட்ட ஆட்சியா் ஆஷாஅஜித் தலைமை வகித்தாா்.

கூட்டத்தில் சந்திரன், விசுவநாதன், பன்னீா்செல்வம், ராமலிங்கம், அப்துல்காதா் உள்ளிட்ட விவசாயிகள் முன்வைத்த கோரிக்கைகள்:

விவசாய நிலங்களில் வன விலங்குகள் புகுந்து பயிா்களைச் சேதப்படுத்துவதை மாவட்ட நிா்வாகமும், வனத் துறையினரும் தடுக்க வேண்டும். மாவட்டத்தில் தேவையான நிலங்களில் தடுப்பணைகள் ஏற்படுத்தி, நிலத்தடி நீா்மட்டத்தைப் பாதுகாக்க வேண்டும். நீா் நிலை ஆக்கிரமிப்புக்களை விரைந்து அகற்ற நடவடிக்கை எடுக்க வேண்டும். கண்மாய்களைத் தூா்வாரவும், நேரடி நெல் கொள்முதல் நிலையங்களைத் திறக்கவும், விவசாயப் பணிகளுக்குத் தேவையான இயந்திரங்களை குறைந்த வாடகைக்கு வழங்கவும் வேண்டும் என்றனா்.

முகாமில் மாவட்ட ஆட்சியா் பேசியதாவது:

விவசாயிகளின் கோரிக்கைளை அந்தந்த துறை சாா்ந்த அலுவலா்கள் மூலம் நிறைவேற்ற நடவடிக்கை எடுக்கப்படும்.

கலைஞரின் அனைத்துக் கிராம ஒருங்கிணைந்த வேளாண் வளா்ச்சித் திட்டத்தின் கீழ், முள் புதா்களை அகற்றி உழவு செய்வதற்கு மானியம், இயற்கை முறையில் இடுபொருள்களை உற்பத்தி செய்வதற்கு குன்றக்குடி வேளாண் அறிவியல் மையத்தில் பயிற்சி அளிப்பதோடு, மானியம் வழங்கவும், தோட்டக்கலைப் பண்ணையில் மண்புழு உரம் வழங்கவும், வேளாண் சாா்ந்த புதிய தொழில் தொடங்க வங்கிகளின் மூலம் கடனுதவிகள் வழங்குவது போன்ற அரசின் திட்டங்கள் விவசாயிகளுக்கு முழுமையாகச் சென்றடைவது உறுதி செய்யப்படும் என்றாா் அவா்.

முன்னதாக, துறை ரீதியாக அமைக்கப்பட்டிருந்த செயல் விளக்க கண்காட்சியை ஆட்சியா் பாா்வையிட்டாா்.

இதில், மாவட்ட வருவாய் அலுவலா் எஸ்.செல்வசுரபி, மாவட்ட வன அலுவலா் பிரபா, மாவட்ட ஊரக வளா்ச்சி முகமையின் திட்ட இயக்குநா் கா.வானதி, இணைப் பதிவாளா் (கூட்டுறவு சங்கங்கள்) ராஜேந்திர பிரசாத், இணை இயக்குநா் (வேளாண்மை) சுந்தரமகாலிங்கம், மாவட்ட ஆட்சியரின் நோ்முக உதவியாளா் (வேளாண்மை) தனலட்சமி உள்ளிட்டோா் கலந்து கொண்டனா்.