திருநெல்வேலி மாவட்டத்தில் நடைபெற்று வரும் வளா்ச்சிப் பணிகள் குறித்து மாவட்ட கண்காணிப்பு அலுவலரும், தமிழ்நாடு தொழில் வளா்ச்சிக் கழக மேலாண்மை இயக்குநருமான சந்தீப் நந்தூரி வியாழக்கிழமை ஆய்வு மேற்கொண்டாா்.
இதுதொடா்பாக, திருநெல்வேலி மாவட்ட ஆட்சியா் அலுவலக கூட்டரங்கில் நடைபெற்ற கூட்டத்திற்கு, சந்தீப் நந்தூரி தலைமை வகித்தாா். ஆட்சியா் இரா.சுகுமாா் முன்னிலை வகித்தாா்.
இக்கூட்டத்தில், திருநெல்வேலி மாவட்டத்தில் முதற்கட்டமாக திறந்து வைக்கப்படவுள்ள 31 முதல்வா் மருந்தங்களுக்கான முன்னேற்பாடு பணிகள், தேவையான மருந்து மாத்திரைகளின் வரத்து, இருப்பு மருந்தகங்களின் உள்கட்டமைப்பு வசதிகள் போன்றவை குறித்து ஆய்வு மேற்கொள்ளப்பட்டது.
நகா்ப்புற பகுதியில் ஆட்சேபணை அற்ற நிலங்களில் நீண்ட நாள்களாக குடியிருந்து வரும் நபா்களுக்கு பட்டா வழங்குவது தொடா்பாக கோட்டாட்சியா், வட்டாட்சியா், நில அளவை துறை அலுவலா்கள் மேற்கொண்ட நடவடிக்கைகள், வட்டார போக்குவரத்து அலுவலகத்தின் சாா்பில் புதிய சிற்றுந்துகள் இயக்கம் மற்றும் அதற்கான வழித்தடங்கள், திருநெல்வேலி மேற்கு புறவழிச்சாலை, அம்பாசமுத்திரம் புறவழிச்சாலை, குலவணிகா்புரம் ரயில்வே மேம்பாலம், அம்பாசமுத்திரம் அரசு மருத்துவமனை, திருநெல்வேலி அரசு மருத்துவமனையில் கூடுதல் கட்டடங்கள் கட்டுமான பணிகள் உள்ளிட்டவை குறித்து ஆய்வு நடத்தப்பட்டது.
தொடா்ந்து கூடுதாழை, கூட்டப்புளியில் மீன் இறங்குதளத்துடன் கூடிய தூண்டில் வளைவுகள் அமைக்கும் பணி, மகளிா் உரிமைத் தொகை, மகளிா் விடியல் பயணம், கலைஞா் கனவு இல்லம், தமிழ்ப்புதல்வன், புதுமைப்பெண் திட்டம், நான் முதல்வன் திட்டம் போன்ற பல்வேறு சிறப்பு திட்டங்களின் செயல்பாடுகள், முதல்வரின் முகவரி மனுக்கள் மீது எடுக்கப்பட்ட நடவடிக்கைகள் ஆகியவை குறித்தும் கண்காணிப்பு அலுவலா் ஆய்வு செய்தாா்.
முன்னதாக திருநெல்வேலி சந்திப்பு பகுதியல் உள்ள நெல்லை பேரங்காடி வளாகத்தில் உள்ள சேமிப்புக் கிடங்கில் வைக்கப்பட்டுள்ள முதல்வா் மருந்தகத்திற்கான மருந்து மாத்திரைகளையும், வண்ணாா்பேட்டை, குலவணிகா்புரம், கே.டி.சி. நகா் போன்ற பகுதிகளில் முதல்வா் மருந்தகங்கள் அமைக்கப்பட்டு திறப்பதற்கான பணிகள் நடைபெற்று வருவதையும் அவா் பாா்வையிட்டு ஆய்வு செய்தாா்.
ஆய்வுக் கூட்டத்தில் மாவட்ட வருவாய் அலுவலா் மா.சுகன்யா, திருநெல்வேலி மாநகராட்சி ஆணையா் என்.ஒ.சுகபுத்ரா, உதவி ஆட்சியா் (பயிற்சி) அம்பிகா ஜெயின், மாவட்ட ஊரக வளா்ச்சி முகமை திட்ட இயக்குநா் சரவணன், கூட்டுறவுத்துறை இணைப் பதிவாளா் முருகேசன் உள்ளிட்ட பலா் கலந்து கொண்டனா்.
