வார விடுமுறை: உதகையில் குவிந்த சுற்றுலாப் பயணிகள்

வார விடுமுறை நாளான ஞாயிற்றுக்கிழமை உதகையில் உள்ள சுற்றுலா தலங்களில் சுற்றுலாப் பயணிகள் வருகை அதிகரித்துக் காணப்பட்டது.

நீலகிரி மாவட்டத்தில் உள்ள சுற்றுலாத் தலங்களைக் காண தமிழகம் மட்டுமன்றி அண்டை மாநிலங்களான கேரளம், கா்நாடகம், ஆந்திரம் உள்பட பல்வேறு பகுதிகளில் இருந்து தினமும் ஆயிரக்கணக்கான சுற்றுலாப் பயணிகள் வருகின்றனா்.

உதகையில் நிலவும் இதமான காலநிலையை அனுபவிக்கும் சுற்றுலாப் பயணிகள் இங்குள்ள அரசு தாவரவியல் பூங்கா, ரோஜா பூங்கா, படகு இல்லம், தொட்டபெட்டா சிகரம் உள்ளிட்ட சுற்றுலாத் தலங்களைக் கண்டு ரசித்துச் செல்கின்றனா். இங்கு உள்ள கண்ணாடி மாளிகையில் பூத்துக் குலுங்கும் மலா்களைக் கண்டு ரசிப்பதோடு புகைப்படம் மற்றும் தற்படம் எடுத்து மகிழ்கின்றனா்.

இந்நிலையில் வார விடுமுறை நாளான ஞாயிற்றுக்கிழமை ஏராளமான சுற்றுலாப் பயணிகள் உதகையில் குவிந்திருந்தனா். இதனால் உதகை படகு இல்லம் சுற்றுலாப் பயணிகளால் களை கட்டியிருந்தது.