விரைவில் சுற்றுப்பயணம்: எடப்பாடி பழனிசாமி

தோ்தலுக்கு நிா்வாகிகளை தயாா்படுத்தும் வகையில், தமிழகம் முழுவதும் விரைவில் சுற்றுப்பயணம் மேற்கொள்ளவிருப்பதாக அதிமுக பொதுச் செயலா் எடப்பாடி கே. பழனிசாமி தெரிவித்தாா்.

2026 பேரவைத் தோ்தலுக்கு தயாராகும் வகையில் எடப்பாடி பழனிசாமி தலைமையில் மாவட்டச் செயலா்கள் கூட்டம் சென்னையில் செவ்வாய்க்கிழமை தொடங்கியது. காலையில் திண்டுக்கல், கரூா், சிவகங்கை, கிருஷ்ணகிரி, அரியலூா், பெரம்பலூா் உள்ளிட்ட 21 மாவட்டங்களுக்கும், மாலையில் கன்னியாகுமரி, தூத்துக்குடி, தென்காசி, திருநெல்வேலி, ராமநாதபுரம், விருதுநகா், மதுரை, ஈரோடு உள்பட 21 மாவட்டங்களுக்கும் ஆலோசனை நடத்தப்பட்டது.

இக்கூட்டத்தில் எடப்பாடி பழனிசாமி பேசுகையில், 2026 சட்டப்பேரவைத் தோ்தலைச் சந்திக்க அனைவரும் இப்போதிலிருந்தே தயாராக இருக்க வேண்டும்; பூத் கமிட்டியை வலுப்படுத்தும் பணிகளை ஜூலை 10-க்குள் நிறைவு செய்ய வேண்டும்; வாக்குச்சாவடி முகவா்களை நியமித்து அதற்கான பட்டியலை தலைமையிடம் சமா்ப்பிக்க வேண்டும்.

தோ்தலுக்காக அதிமுக தொண்டா்களையும், நிா்வாகிகளையும் தயாா்படுத்தும் வகையில் நான் விரைவில் சுற்றுப்பயணம் மேற்கொள்ளவிருக்கிறேன். விரைவில் அதற்கான அறிவிப்பு வெளியாகும். கூட்டணி பற்றி யாரும் கவலைப்பட வேண்டாம்; அதை கட்சித் தலைமை பாா்த்துக் கொள்ளும்.

திமுகவின் பொய் வாக்குறுதிகளை மக்களுக்கு எடுத்துச் சொல்ல வேண்டும் என்றாா் அவா்.

மற்ற மாவட்டங்களுக்கான ஆலோசனைக் கூட்டம் புதன்கிழமை நடைபெறவுள்ளது.