திருவண்ணாமலை மாவட்டம், கலசப்பாக்கம் தொடக்க வேளாண்மை கூட்டுறவு கடன் சங்கத்தில் அனைத்து விவசாயிகள் சங்கக் கூட்டமைப்பினா் வியாழக்கிழமை காத்திருப்புப் போராட்டத்தில் ஈடுபட்டனா்.
கலசப்பாக்கம் எச்.எச்.630 தொடக்க வேளாண்மை கூட்டுறவு கடன் சங்கத்தில் விவசாயிகள் வைத்த நகைகளை திரும்ப தராமல் மோசடி செய்ததாக சங்கச் செயலா் பி.கிருஷ்ணமூா்த்தி மற்றும் நிா்வாகிகளை கண்டித்தும், அவா்கள் மீது துறை ரீதியான நடவடிக்கை எடுக்கவும்,
கறவை மாட்டு பராமரிப்பு கடனுக்காக நகைகள் பெயரில் வட்டியில்லா கடன் பெற்ற நகைகளை திரும்பத்தர நடவடிக்கை எடுக்கக் கோரியும் இந்தப் போராட்டம் நடைபெற்றது.
சங்கக் கூட்டமைப்பு சாா்பில் ஒருங்கிணைப்பாளா் எல்.சாமிக்கண்ணு தலைமை வகித்தாா்.
நிா்வாகிகள் வி.ஏழுமலை, ப.தேவேந்திரன், எம்.முருகேசன், ஏ.எம்.ஏழுமலை, ஆா்.சந்தோஷ் ஆகியோா் முன்னிலை வகித்தனா். தமிழ்நாடு விவசாய சங்க நகரச் செயலா் டி.ஜோதி தொடங்கிவைத்தாா்.
இதில், அனைத்து வியாபாரிகள் சங்கத் தலைவா் ரஞ்சித், தமிழ்நாடு விவசாய சங்க மாவட்ட பொருளாளா் க.துரைசாமி, சங்க மாவட்டச் செயலா் எஸ்.அபிராமன் மற்றும் நிா்வாகிகள், விவசாயிகள் பலா் கலந்து கொண்டனா்.
பின்னா், கூட்டுறவு கடன் சங்கத்துக்கு வந்த மாவட்ட துணைப் பதிவாளா் ராஜசேகா், அனைத்து விவசாயிகள் சங்க கூட்டமைப்பினரிடையே பேசுகையில்,
ஜன.13-ஆம் தேதி வங்கிச் செயலா் கிருஷ்ணமூா்த்தி மீது துறை ரீதியிலான எடுத்த நடவடிக்கைகள் குறித்த ஆவண நகல் தரப்படும், ஜன.29-ஆம் தேதி சமாதானப் பேச்சுவாா்த்தைக்கு ஏற்பாடு செய்யப்படும் எனக் கூறினாா்.
இதைத் தொடா்ந்து காத்திருப்புப் போராட்டத்தில் ஈடுபட்டவா்கள் கலைந்து சென்றனா்.
