சென்னை தியாகராய நகரில் வீட்டில் தீபம் ஏற்றிய போது நோ்ந்த தீ விபத்தில் கருகிய பெண், மருத்துவமனையில் உயிரிழந்தாா்.
தியாகராய நகா் டாக்டா் நாயா் சாலை பகுதியைச் சோ்ந்தவா் முருகப்பன். இவா் கப்பலுக்கு தேவையான உதிரி பாகங்கள் தயாரிக்கும் தொழிற்சாலை நடத்தி வருகிறாா்.
முருகப்பன் மனைவி ஆண்டாள் (58). இவா் கடந்த 4-ஆம் தேதி வீட்டில் அகல் விளக்குகளில் தீபம் ஏற்றினாா். அப்போது ஒரு அகல் விளக்கு மீது அவரது சேலை விழுந்தது. இதில் சேலை தீப்பிடித்து எரியத் தொடங்கியது.
இதை ஆண்டாள் கவனிக்காததால் தீ, அவரது சேலை முழுவதும் பிடித்து எரிந்தது. இதைப் பாா்த்து அதிா்ச்சியடைந்து சத்தமிட்ட ஆண்டாளை அங்கிருந்தவா்கள் மீட்டனா். பலத்த காயமடைந்த அவரை, அந்த பகுதியில் உள்ள ஒரு தனியாா் மருத்துவமனையில் சிகிச்சைக்காக சோ்த்தனா்.
தனியாா் மருத்துவமனையில் தீவிர சிகிச்சை பெற்று வந்த ஆண்டாள், சனிக்கிழமை உயிரிழந்தாா். இது குறித்து பாண்டி பஜாா் போலீஸாா் வழக்குப் பதிவு செய்து, விசாரித்து வருகின்றனா்.
