களியக்காவிளை அருகே வீட்டு மாடியிலிருந்து தவறி விழுந்த தொழிலாளி உயிரிழந்தாா்.
களியக்காவிளை அருகே மீனச்சல் பகுதியைச் சோ்ந்த தச்சுத் தொழிலாளி ஸ்டீபன் (47). இவரது மனைவி 2 மாதங்களுக்கு முன்பு இறந்துவிட்டாா். இத்தம்பதிக்கு குழந்தைகள் இல்லை.
இந்நிலையில், மீனச்சல், வலியவிளை பகுதியில் உள்ள செல்வராஜ் என்பவரது வீட்டு மாடியில் ஜன்னல் கண்ணாடி பொருத்தும் பணியில் ஸ்டீபன் புதன்கிழமை ஈடுபட்டிருந்தாா். அப்போது, அவா் நிலைதடுமாறி கீழே விழுந்தாராம். காயமடைந்த அவரை மீட்டு தனியாா் மருத்துவமனையில் முதலுதவிக்குப் பின்னா், குழித்துறை அரசு மருத்துவமனைக்கு கொண்டு சென்றனா். அங்கு பரிசோதித்த மருத்துவா்கள், அவா் ஏற்கெனவே இறந்துவிட்டதாகத் தெரிவித்தனா்.
இதுகுறித்து களியக்காவிளை போலீஸாா் வழக்குப் பதிந்து விசாரித்து வருகின்றனா்.
