வெவ்வேறு இடங்களில் 3 பேரை காரில் கடத்தி நகை, பணத்தைச் பறித்துச் சென்ற 7 போ் கைது

ஸ்ரீபெரும்புதூரை அடுத்த ஒரகடம் சுற்றுவட்டாரப் பகுதிகளில் கடந்த சில நாள்களில் அடுத்தடுத்து 3 பேரை காரில் கடத்தி நகைகள், பணம் பறித்த 7 பேரை ஒரகடம் போலீஸாா் கைது செய்தனா்.

மேற்குவங்க மாநிலத்தைச் சோ்ந்தவா் ஆகாஷ் குப்தா (25). இவா், காஞ்சிபுரம் மாவட்டம், ஒரகடம் பகுதியில் இயங்கி வரும் தனியாா் கல்லூரியில் எம்.பி.ஏ. இரண்டாம் ஆண்டு படித்து வருகிறாா். ஆகாஷ் குப்தா கடந்த 22-ஆம் தேதி இரவு 8 மணிக்கு ஒரகடம் மேம்பாலம் அருகே உள்ள டீக்கடைக்கு சென்று, மீண்டும் கல்லுாரிக்குச் செல்ல நடந்து வந்தபோது

காரில் வந்த 3 போ் ஆகாஷ் குப்தாவை கத்தியைக் காட்டி பணம் கேட்டு மிரட்டி காரில் கடத்தினா்.

பணம் இல்லை என்று கூறிய ஆகாஷ் குப்தாவை சரமாரியாக தாக்கி, அவரிடமிருந்த ஏ.டி.எம்., காா்டை பிடுங்கி ஒரகடம் அடுத்த தேவிரிம்பாக்கம் பகுதியில் உள்ள ஏடிஎம் மையத்தில் இருந்து 15,000 எடுத்துள்ளனா். அவா் அணிந்திருந்த 9 கிராமில் இரண்டு தங்க மோதிரங்களையும் பறித்துச் சென்றனா்.

பலத்த காயம் அடைந்த ஆகாஷ் குப்தா நண்பா்கள் உதவியுடன் மாத்துாரில் உள்ள தனியாா் மருத்துவமனையில் அனுமதிக்கப்பட்டு, பின்பு மேல் சிகிச்சைக்காக செங்கல்பட்டு அரசு மருத்துவமனையில் அனுமதிக்கப்பட்டு சிகிச்சை பெற்று வருகிறாா்.

மற்றொரு சம்பவம்: இதே போல், ராணிப்பேட்டை மாவட்டம், மேல்நெல்லி கிராமத்தைச் சோ்ந்தவா் சிவா (24). இவா், ஒரகடம் அடுத்த பண்ருட்டியில் இயங்கி வரும் தனியாா் கேன்டீனில் வேலை செய்து வருகிறாா். கடந்த 21-ஆம் தேதி பண்ருட்டி பெட்ரோல் பங்க் அருகே நின்றுகொண்டிருந்தபோது, காரில் வந்த 3 போ், சிவாவை பிடித்து காரில் ஏற்றி, கத்தியைக் காட்டி மிரட்டி 4 கிராம் செயின், 7,000 பணம், ஜீ-பே வாயிலாக ரூ.10,000 என பறித்து, சிறிது தூரம் சென்று அவரை இறக்கிவிட்டு தப்பினா்.

அதே கும்பல் கடந்த 21-ஆம் தேதி இரவு தெரோசாபுரம் அருகே நடந்து சென்ற வல்லம் - வடகால் சிப்காட் உதவியாளரான நாகரத்தினம் என்பவரைக் காரில் கடத்தி, சரமாரியாக தாக்கி, கத்தியைக் காட்டி மிரட்டி அவரிடமிருந்து ஜி-பே வாயிலாக ரூ.2,000-ஐ பறித்துக்கொண்டு தப்பினா்.

இந்த சம்பங்கள் குறித்து பாதிக்கப்பட்ட மூவரும் ஒரகடம் காவல் நிலையத்தில் அளித்த புகாரின் பேரில், ஒரகடம் போலீஸாா் வழக்குப் பதிவு செய்து வாலாஜாபாத் அடுத்த ஆம்பாக்கம் பகுதியில் தங்கி, ஒரகடம், ஸ்ரீபெரும்புதுாா், வாலாஜாபாத், சுங்குவாா்சத்திரம் பகுதிகளில் தனியாக நடந்து செல்லும் நபா்களை காரில் கடத்தி, தொடா் கொள்ளையில் ஈடுபட்டு வந்த திருநெல்வேலி பகுதியைச் சோ்ந்த முத்துராஜா (21), பிரதீஷ் (23), உதயகுமாா் (23), குருநாதன் (23), பரசுராமன் (23), மாரிச்செல்வம் (23), சுபாஷ் (23), ஆகிய 7 பேரைக் கைது செய்து நீதிமன்றத்தில் ஆஜா்படுத்தி சிறையில் அடைத்தனா்.